GÉNESIS 24:56 - Wuj Pa K'ubultzij

⁵⁶ I umokom mam Abraham xub'ij chke: —Mini'atij, man i Ajwal xuya chwe chi xinel utz ru' wach xink'un chu'anik; rumali chiya chwe chi kin-e chi rachoch i rajaw inchak —xcha.

GÉNESIS 24:56 Referans Kwoze

ISAÍAS 48:15

Yin xinb'iw ile, yin xinsik'iwik, yin xin-an che chi xk'unik, xaq xaipa k-e wi kel ni utz ru'.

Proverbios 25:25

Pacha i ya joror che i jun chi lik kk'atik, keje i utz laj tzij ile chi kpe che jun jyub' k'a naj.

JOSUÉ 1:8

Arewi chawajlaj uwach intzij inpixab', xaq mamayij ub'ixkil, lik are ile chach'ob'o chipa'ij chicha'ab', xaq cha'ana ronojel wach i kub'ij, man keje ile ronojel ni'pa i ka'ano, katel ni utz ru'.

GÉNESIS 24:40

Are uri ire xub'ij chwe: I Ajwal chi in b'innaq pub'e, ire kutaq nu b'i u-ángel awu', xaq i ángel le ku'an chawe chi kariq li rixoqil ink'ojol chila chkixol i ralk'uwal kan inqajaw.

GÉNESIS 24:54

Te'uri umokom mam Abraham le xaq i je rachi'ilam b'ik xkitij kiwa, xkitu' i uwa'al uva chi muqb'am xaq xewar kan chila. Chukab' ij are xewalijik, i umokom mam Abraham xub'ij: —Chiya chwe chi kintzalij b'i chi rachoch i rajaw inchak.

GÉNESIS 24:57

Are uri ike xkib'ij: —Chqasik'ij pe ali man kqatz'onoj che wach taq kuch'ob' ire —xecha.

GÉNESIS 30:25

Chrijil chik ralaxik a José ru' ati Raquel, are uri ma Jacob xub'ij che ma Labán: —Chaya chwe chi kintzalij b'i pa wulew chila ipa in petnaq wi.