GÉNESIS 24:54 - Wuj Pa K'ubultzij

⁵⁴ Te'uri umokom mam Abraham le xaq i je rachi'ilam b'ik xkitij kiwa, xkitu' i uwa'al uva chi muqb'am xaq xewar kan chila. Chukab' ij are xewalijik, i umokom mam Abraham xub'ij: —Chiya chwe chi kintzalij b'i chi rachoch i rajaw inchak.

GÉNESIS 24:54 Referans Kwoze

GÉNESIS 24:56

I umokom mam Abraham xub'ij chke: —Mini'atij, man i Ajwal xuya chwe chi xinel utz ru' wach xink'un chu'anik; rumali chiya chwe chi kin-e chi rachoch i rajaw inchak —xcha.

GÉNESIS 24:59

Are uri xkiya b'i che i kanab' chi kterej b'i chkij achiyab' chi je rachi'ilam umokom mam Abraham, xaq x-e ixoq ku' chi xk'itsaw al Rebeca.

ECLESIASTÉS 7:10

Lik matz'onoj taq pak'ux b'uchak chi ronojel i ij chi ik'awnaq chik lik mas utz na, man i tz'onb'enik le xa jun utz ti laj nojb'al.

Proverbios 22:29

I jun chi utz u'anik uchak ku'ano, lik ru' ajawinel uri kchakun wi, ru' ti taq jun winaq chi nti u'ij.

2 Samuel 18:19

Te'uri ma Ahimaas, chi uk'ojol ma Sadoc, xub'ij che ma Joab: —Kintz'onoj utzil chawe chi chaya b'i chwe chi kin-e la pa'anem chub'ixkil che i ajawinel, chi i Ajwal xu'an atb'al tzij puwi man xresaj pki'ab' i ajch'oj chrij.

GÉNESIS 45:24

A José are xeu'ijla b'i ratz xub'ij chke: —Mi'an ch'oj pa taq b'e.

GÉNESIS 30:25

Chrijil chik ralaxik a José ru' ati Raquel, are uri ma Jacob xub'ij che ma Labán: —Chaya chwe chi kintzalij b'i pa wulew chila ipa in petnaq wi.