GÉNESIS 24:32 - Wuj Pa K'ubultzij

³² Are uri xok b'i umokom mam Abraham ru' ja, i a Labán chi uxib'al al Rebeca xuqajsaj keqan i kamey, xresaj aparej chkij xaq xuya ki'es, te'uri xuk'am b'i ya re ch'ajb'al raqan umokom mam Abraham xaq ch'ajb'al kaqan i je rachi'ilam b'ik.

GÉNESIS 24:32 Referans Kwoze

Jueces 19:21

I mam le xeuk'am b'i chi rachoch; tz'aqat are xe'ok ike le chuch'ajik kaqan, chutijawik kiwa xaq chutu'ik uwa'al uva muqb'am, i mam le xuya ki'es i axna.

GÉNESIS 43:24

Te'uri xeuk'am b'i chi rachoch a José; xuya kiya' re ch'ajb'al kaqan xaq xuya ki'es i axna.

GÉNESIS 18:4

We kuk'ulaj awach, kintaq ni uk'amik jub'i' ya kich'ajb'ej re iwaqan, te'uri kixuxlan jub'i' chi muj re i che' le,

1 Timotéo 5:10

I malkanib'i o uchak etamam kiwach kumal i winaq chi lik je aj-anol utz pacha iri: We utz uk'itsaxik kak'al ki'anom, we je ajya'ol posar, we kich'ajom kaqan i lo'laj tinimit re i Cristo, we lik kiya'om kib' chkito'ik i jub'an chi je o puyej; o we kiya'om kib' chu'ankil jub'an chik utzil chomal.

Lucas 7:44

I Jesús xutaqej i ixoq, are uri xub'ij che i ma Simón: —¿Kawil i ixoqi? Lik utz i ktijin chu'anik. Yet, are xinok chi awachoch, nti ya xaya chwe ch'ajb'al re waqan. Xwiri i ixoqi xuch'aj i waqan ru' uwa'al uwach xaq xuchaqijsaj ru' uwi.

GÉNESIS 19:2

xub'ij chke: —Chikuyu inmak, nimaq taq winaq, kintz'onoj utzil chiwe chi chixwar kan che a'ab'i chi wachoch yin chi in iwajchak. Man chila ru' ja o i ya re kich'ajb'ej iwaqan, keje ile chweq ksaqirik, kimaj chub'i ib'e. Ike xkib'ij: —Ntaj, mantiox, che i a'ab'i kojwar kan waral pa b'e.

1 Samuel 25:41

Are uri ati Abigail xuqajsaj upalaj k'a chwach ulew k'utb'al re chi o ki'ij rajchak ma David xaq xub'ij chke: —Yin xa in jun rajchak ma David, lik ru' ronojel ink'ux kinch'aj kaqan i winaq chi je o pa k'ax rumal ire, we kinutaq che.

GÉNESIS 24:33

Te'uri xya' pan uwa chwach, xwiri ire xub'ij: —Kintij ti tan inwa k'a kinb'ij ni chiwe wach taq inmantar. I a Labán xub'ij che: —Matok il, chab'ij wach taq amantar.

GÉNESIS 29:13

I ma Labán are xuta chi ma Jacob le rika' man ralab' i ranab', are uri x-e la pa'anem chuk'ulaxik; are xkik'ulaj kib' lik xutz'ulej xaq xutz'ub'aj yab'al rutzil uwach, te'uri xuk'am b'i ru' chi rachoch, are uri i ma Jacob xulap che i rikan ronojel ni'pa i uk'ulmam.