GÉNESIS 23:20 - Wuj Pa K'ubultzij

²⁰ Keje u'anik uri ile chi ulew xaq i pek xel pki'ab' aj Het xkanaj pu'ab' mam Abraham re muqb'al kamnaq.

GÉNESIS 23:20 Referans Kwoze

2 Reyes 21:18

Are xkamik, xkimuq chupam i tikb'al kotz'ij chi o naqaj che i nim laj rachoch, chi tikb'al kotz'ij re ma Uza. Chrijil chik ile xrajawin kan uk'ojol puk'exel chi ma Amón.

2 Samuel 24:24

Xwiri i ajawinel xub'ij che: —Kintioxij chawe, xwiri yin lik kinlo' ni ronojel chawe xaq lik kintoj ni rajil chi kmajawik; man nti kinya pinsipon che Wajwal Dios we lik inlo'om taj. Keje uri ile chi ma David xulo' i k'ijib'al le xaq xeulo' i torib' ru' lajuj kawinaq (50) saqpwaq,

GÉNESIS 50:13

ike xkik'am b'i kiqajaw chila Canaán, xkimuq chila pa jul Macpela, chi ulo'om kan etz mam Abraham che ma Efrón chi aj Het, muqb'al ke ralk'uwal; ile o prelb'al ij che ulew Mamre.

GÉNESIS 50:5

—Inqajaw are k'a k'aslik lik xub'ij chwe chi kinmuq chupam i jul chi uyijb'am kan ire chila Canaán, rumali lik kintz'onoj utzil chiwe chiya chwe chi kin-e chumuqik inqajaw, are kmuqtaj kanoq te'uri kintzalij chaloq —xcha.

GÉNESIS 25:9

Je are rak'al chi ma Isaac xaq i ma Ismael xemuquw i kiqajaw chila chupam i pek Macpela, chi o naqaj che i Mamre, pa rulew ma Efrón chi uk'ojol mam Zohar aj Het.

GÉNESIS 10:15

I ma Canaán xuk'uwalij a Sidón, ile are nab'e rak'al, te'uri a Het, ire le xeuk'uwalij

GÉNESIS 23:4

—Yin xa in ajposar chixol yix; rumali kintz'onoj jun utzil chiwe chi chik'ayij jun muqb'al kamnaq chwe muqb'al re i wixoqil.

GÉNESIS 23:19

Te'uri mam Abraham xumuq rixoqil chila pa jul, chupam ulew chi xulo' chila pa Macpela, naqaj che i Mamre, chi are i tinimit Hebrón chi o chila chupam ulew Canaán.

GÉNESIS 25:10

I ulew ipa xmuq wi mam Abraham le are ulo'om kan ire chke i rak'al ma Het. Chila xmuq wi ru' etz rixoqil, chi tit Sara.

GÉNESIS 49:29

Xwi ta la ile, i mam Jacob xaq xuya jun taqanik chke i rak'al, xub'ij: “Yin ya kinkamik xwiri chinimuqu ku' watit inmam, chila chupam i jul chi o chupam rulew ma Efrón chi aj Het,