GÉNESIS 23:19 - Wuj Pa K'ubultzij

¹⁹ Te'uri mam Abraham xumuq rixoqil chila pa jul, chupam ulew chi xulo' chila pa Macpela, naqaj che i Mamre, chi are i tinimit Hebrón chi o chila chupam ulew Canaán.

GÉNESIS 23:19 Referans Kwoze

ECLESIASTÉS 12:7

Chrijil chik ile i uk'aj ulew ktzalij chik che ulew pacha u'anom te ax wi, xaq i qanima ktzalij chik ru' i Dios chi are Ire yawnaq loq.

ECLESIASTÉS 12:5

I unajtil rij i b'iroxik kuya ni xib'rikil, xaq i pa taq b'e lik xib'in ib'. I almendro kujeq sijanik, i sak' pacha taq jun eqan puwi, xaq i ch'ixch'aq k'ix kuriq ti chik uchak. I winaq k-e chi rachoch ronojel ij saq, i pa taq b'e ktataj chik i o'ej rumal ukamik.

ECLESIASTÉS 6:3

Jun achi ktiki chuk'uwalixik jo'winaq (100) rak'al xaq kk'asi k'iyal junab'; xwiri tupu k'iyal junab' kk'asi'ik, we kuqusij ti ronojel i utz, xaq we lik kmuq teneri are kkamik; kinb'ij yin chi mas ne o u'ij jun ak'al chi kkamsax rumal uchuch man kresaj chupam uch'akul rumal kuya ti che chi kalaxik.

Job 30:23

Weta'am chik chi yet kawaj kinak'am b'i pa kamik k'ijib'al ipa ke'e wi konojel ni'pa o kik'aslemal.

GÉNESIS 50:25

Te'uri xub'ij chke i rak'al chi kkikoj retalil che wach kub'ij ire chke: “Saq laj tzij, i Dios lik kixuto na, are kuk'ulmaj ile, yix kik'am nu b'i inb'aqil iwu'.” Xcha.

GÉNESIS 50:13

ike xkik'am b'i kiqajaw chila Canaán, xkimuq chila pa jul Macpela, chi ulo'om kan etz mam Abraham che ma Efrón chi aj Het, muqb'al ke ralk'uwal; ile o prelb'al ij che ulew Mamre.

GÉNESIS 47:30

Are kin-e pa uxlanem ku' i watit inmam waral taj kinamuq wi pa Egipto, lik kinamuqu pa jul ipa je muqtal wi i watit inmam —xcha. I ma José xub'ij: —Lik kin-ano ta, pacha urayijb'al ak'ux —xcha.

GÉNESIS 3:19

Kturuw ni ak'atanal chuch'akik awa ronojel ij re ak'aslemal, k'a are kat-on chik ulew, man xa at uk'aj ulew rumali puk'aj ulew kattzalij wi chik. Keje ile xub'ij i Dios che achi.

GÉNESIS 23:18

I k'ayinik le x-an chkiwach konojel aj Het xaq chkiwach konojel ni'pa ktijin kik'awik che uchib'e re utinimit ma Efrón.

GÉNESIS 23:20

Keje u'anik uri ile chi ulew xaq i pek xel pki'ab' aj Het xkanaj pu'ab' mam Abraham re muqb'al kamnaq.

GÉNESIS 37:14

Te'uri mam Israel xub'ij che a José: —Jat, jeawila i awatz wach ki'anom xaq wach taq ki'anom i chij, te'uri kattzalij chali chub'ixkil chwe —xcha. I mam Israel le jeqel chila chwa ta'aj Hebrón are xutaq b'i a José; i a José le xupon chila pa Siquem,