GÉNESIS 23:10 - Wuj Pa K'ubultzij

¹⁰ I ma Efrón le chi aj Het, o chila chkixol uwinaq, xub'ij che mam Abraham chkiwach konojel i winaq chi je o chila xaq chkiwach konojel ni'pa ktijin kik'awik che uchib'e re i tinimit le,

GÉNESIS 23:10 Referans Kwoze

GÉNESIS 34:24

Konojel i winaq chi kimolom kib' pa okb'al re i tinimit, xkiya kiwach che pacha xub'ij ma Hamor xaq i uk'ojol chi a Siquem, are u'ankil uri chi konojel achiyab' x-an circuncisión chke.

GÉNESIS 34:20

rumali x-achnimax b'i rumal uqajaw k'a pa okb'al re i tinimit, chila xelapan wi ku' konojel i winaq xkib'ij chke:

GÉNESIS 23:18

I k'ayinik le x-an chkiwach konojel aj Het xaq chkiwach konojel ni'pa ktijin kik'awik che uchib'e re utinimit ma Efrón.

Mateo 9:1

Te'uri i Jesús xok chupam jun barco xaq x-ax chik ch'aqa semelik ya xupon chik k'a putinimit.

ISAÍAS 28:6

Kuya ni suk'ul laj atb'al tzij chke aj-atol tzij ipa kki'at wi i tzij, xaq kuya ni ukowil kiwach i achiyab' chi je yij che i ch'oj chi kkichajij i tinimit.

Job 29:7

Are kinkub'i te'eq chila che i k'ijib'al re molb'al ib' pa tinimit.

GÉNESIS 24:10

I mokom xuk'am lajuj chke ukamey i rajaw uchak, xaq xu'ul b'i jalajuj chomiq taq sipon; te'uri xumaj b'i ub'e x-e pa tinimit Nacor, chila pa Mesopotamia.

GÉNESIS 23:9

chi chuk'ayij i pek chwe chila pa Macpela, chi o chuchi' rulew ire; chib'ij che chi chuk'ayij chwe, yin kintoj che pacha rajil, keje ile o ni uri jun ujulil kamnaq ke walk'uwal chixol yix —xcha.

Rut 4:11

I je unimaqil re i tinimit xaq konojel ni'pa je o chila xkib'ij: —Qatzij, xqilo xaq xqata. I ixoq le chi kok chi awachoch i Ajwal chu'ana ni che pacha ati Raquel xaq ati Lea, chi junam xojkiwinaqirsaj yoj chi oj aj Israel, xaq chu'ana ni chawe yet chi lik nim a'ij pa Efrata, chi xaq lik ketamax ni awach pa Belén.