GÉNESIS 22:8 - Wuj Pa K'ubultzij

⁸ —Are uri mam Abraham xub'ij che uk'ojol: Wak'al, are i Dios kyaw i chij chi kqaporoj chwach Ire. Lik junam ru' rak'al ketijin che i b'e.

GÉNESIS 22:8 Referans Kwoze

Juan 1:36

Are xril uwach i Jesús chi ktijin rik'awik, xub'ij: —Chiwila pe', are Ral Chij ile re i Dios —xcha.

Juan 1:29

Chukab' ij, i ma Wan xril uwach i Jesús chi ktijin utejeb'ik ru', are uri xub'ij chke i winaq: “¡Chiwila pe', ile are Ral Chij re i Dios chi kresaj kimak konojel i winaq chwach i jyub' ta'aj!

Apocalipsis 5:12

Ike xesik'in chub'ixkil i tziji: “¡I Ral Chij chi kamsam na, kmajaw che chi koksax u'ij rumal o pu'ab', rumal ub'eyomal, rumal unojb'al, rumal ucho'ab', kmajaw che chi koksax ni u'ij, kb'ix ni uchomal, kb'ix ni unimal u'ij!” Keje ile xkib'ij i k'iyal ángel.

GÉNESIS 18:14

Xatab'a o jun b'iroxik chi ktiki ti Ajwal chu'anik? Che i junab' jun chi kk'unik kink'un chik chasolixik che taq i ij pacha i ij chi oj o wi wo'or, are uri che taq i ij le, i tit Sara kalax ni jun rak'al —xcha.

Apocalipsis 13:8

Konojel i winaq chwach i jyub' ta'aj kkikoj ni u'ij i nim laj itzel chikop le, i winaq le are i tz'ib'tal ti kib'i chupam i wuj re i k'aslemal chuxeb'al li ij saq, chi o pu'ab' i Ral Chij chi xkamsaxik.

Mateo 19:26

I Jesús xeutaqej i xub'ij chke: —I winaq ketiki ti chu'anik ile; xwiri i Dios ronojel is ktiki che —xcha.

Apocalipsis 7:14

Yin xinb'ij che: “Nim laj winaq, yet aweta'am”. Xinb'ij che. Ire xub'ij chwe: Je are ike chi je elnaq chupam i nim laj uyej chi xik'aw chwach i jyub' ta'aj. (Kijachom kib' pu'ab' i Tol ke.) Kich'ajom i ki'u', xaq ki'anom chik saq che ru' ukik'el i Ral Chij.

Apocalipsis 5:6

Are uri xintaqej, xaq xwil pacha jun Ral Chij alaj che chi kamsam na, xwiri k'aslik tak'al chila. Chila tak'al wi ru' i kub'ib'al chi o u'ij, chkiwach i kajib' b'iroxik chi o kixik' pacha winaq ketzunik, xaq chkiwach i nimaq taq winaq. I Ral Chij le, o wuqub' rok'a', xaq wuqub' ub'a'wach, ile are i wuqub' Lo'laj Utewal i Dios utaqom li chwach ronojel i jyub' ta'aj.

SEGUNDO LIBRO DE CR%D3NICAS 25:9

I ma Amasías xutz'onoj che i rajpatan i Dios: —¿Wach kin-an che i oxlajuj oxwinaq tintal saq-o'oj chi xinya chke achiyab' chi je yij che i ch'oj aj Israel? I rajpatan i Dios xub'ij che: —I Ajwal kuya ni k'i chawe chwach ni'pa xaya yet le.

GÉNESIS 22:7

I a Isaac xub'ij che uqajaw: —¡Ta! —¿Wach, kawaj wak'al? —Xub'ij mam Abraham che uk'ojol; are uri a Isaac le xub'ij che uqajaw: —O chik i a' xaq o chik i si', xwiri ¿Ipa o wi i chij ma chi kqaporoj chwach i Dios?

GÉNESIS 22:9

Are xeupon che i jyub' ipa b'ital wi che rumal i Dios, i mam Abraham xuyijb'a jun sujb'al sipon xaq xutus i si' puwi, te'uri xuyut' uk'ojol chi a Isaac, xaq xuya an puwi i si' chi o chik puwi i sujb'al sipon le.

GÉNESIS 22:14

Rumali mam Abraham xuya pub'i i k'ijib'al le: “DIOS KYAWIK”, xaq k'a are kb'ix che “wo'or chi puwi i jyub' i Ajwal kuya'o wach i rajwaxik”.

2 Reyes 2:6

Chrijil chik ile, i ma Elías xub'ij che ma Eliseo: —Chatkanaj kan chi, man i Ajwal kinutaq b'i chi raqana Jordán. Xwiri ma Eliseo xub'ij che: —Kinb'ij chawe pub'i i Ajwal xaq pa b'i yet chi katinya ti kan atukel. Are uri xe'e junam chi raqana Jordán.