GÉNESIS 22:6 - Wuj Pa K'ubultzij

⁶ I mam Abraham xuk'am i si' xuya an chel rij uk'ojol chi a Isaac, ire xuk'am b'i a' xaq i kuchil, chekeb' xkimaj b'i kib'e junam.

GÉNESIS 22:6 Referans Kwoze

Juan 19:17

Are uri Jesús xel b'ik i rok'am b'i ukrus xol uteleb', x-e che jun k'ijib'al chi “K'ijib'al re ub'aqil ujolom kamnaq” ub'i; pkich'ab'al aj Hebreo ke'eloq “Gólgota”.

1 Pédro 2:24

Lik are i Jesucristo xreqaj i qamak che uch'akul are xuya rib' chi xkamsax chwach i krus. Keje ile xu'an chqe chi kkam ni i mak atzalal chqe, xaq kojk'asi ni che jun k'aslemal utz i suk'ulik. Xwi ta la ile, i Jesucristo xuch'ijo chi xsoktajik tob'al iwe yix.

Mateo 8:17

Are xu'an ile, xe'eloq pacha ub'im kan i mam Isaías chi profeta. Ire ub'im kanoq chi: Lik are Ire aj-elsanel yob'il chqe; xaq are Ire aj-elsanel wi k'ax chqe.

ISAÍAS 53:6

Qonojel yoj xojsachik pacha i chij, chqajujunal xqamaj b'i jun qab'e, xwiri i Ajwal xuya ronojel i qamak yoj puwi Ire.

GÉNESIS 22:5

Xub'ij chke umokom: —Chixkanaj kan yix waral ru' i axna. Yin ru' i ala le, koj-e k'a jela chukojik u'ij i Dios, te'uri kojtzalij chali iwu' —xcha.

2 Reyes 2:6

Chrijil chik ile, i ma Elías xub'ij che ma Eliseo: —Chatkanaj kan chi, man i Ajwal kinutaq b'i chi raqana Jordán. Xwiri ma Eliseo xub'ij che: —Kinb'ij chawe pub'i i Ajwal xaq pa b'i yet chi katinya ti kan atukel. Are uri xe'e junam chi raqana Jordán.