GÉNESIS 22:5 - Wuj Pa K'ubultzij

⁵ Xub'ij chke umokom: —Chixkanaj kan yix waral ru' i axna. Yin ru' i ala le, koj-e k'a jela chukojik u'ij i Dios, te'uri kojtzalij chali iwu' —xcha.

GÉNESIS 22:5 Referans Kwoze

Hebreos 11:19

I mam Abraham reta'am chi i Dios lik nim i ucho'ab' chuwalijsaxik jun kamnaq. Xel uri chi i mam Abraham pacha xril uk'ojol kamnaq te'eq, xaq k'unnaq chik saq chwach.

Hebreos 12:1

Yoj chqij chqawach lik kqilo chi je k'i i winaq xki'aljinsaj ukub'ib'al kik'ux che i Dios. Rumali chqakanaj kan ronojel ni'pa i b'iroxik chi kojresaj chupam ub'e i Dios xaq i makunik chi xaqmanal ku'an chqe, man i qak'aslemal lik pacha jun anem chi lik rajwaxik chi o qacho'ab'.

GÉNESIS 22:4

Churox ij mam Abraham xtzun b'i naj, are uri xril pan uwach i jyub' chinaj.

GÉNESIS 22:6

I mam Abraham xuk'am i si' xuya an chel rij uk'ojol chi a Isaac, ire xuk'am b'i a' xaq i kuchil, chekeb' xkimaj b'i kib'e junam.

GÉNESIS 22:19

Te'uri xtzalij li mam Abraham junam ru' uk'ojol chi a Isaac; are xek'un ku' umokom ipa je o wi kanoq, xeuk'am b'ik junam xe'e pa Beerseba, chila ipa xejeqi wi mam Abraham.

ÉXODO 24:14

Xub'ij chke uwi kijolom aj Israel: —Chojiwoy-ej kan yix chi, k'a kojtzalij na loq, i ma Aarón xaq i ma Hur kekanaj kan iwu', we o jun o taq uch'oj chub'ij chke ike le —xcha.