GÉNESIS 22:11 - Wuj Pa K'ubultzij

¹¹ Are ya kukamsaj te'eq uk'ojol chi a Isaac are uri jun ángel xsik'in li che chikaj, xub'ij: —¡Mam Abraham, mam Abraham! —In o chi, Ta —xub'ij mam Abraham.

GÉNESIS 22:11 Referans Kwoze

ÉXODO 3:4

Are xril i Ajwal chi ma Moisés ktijin utejeb'ik chrilik i k'ix chi ktoqowik, are uri xch'aw li che chupam i a' xub'ij che: —¡Ma Moisés! ¡Ma Moisés! Ire xub'ij: —In o chi, Ta.

GÉNESIS 21:17

I Dios are xuta chi kjek'jat i ak'al che o'ej, are uri i ángel re i Dios xch'aw li chikaj che ati Agar, xub'ij che: “¿Wach xak'ulmaj ati Agar? Maxij awib', man i Dios xuta chi ak'al le lik kjek'jat che o'ej chila ipa aya'om wi kanoq.

Hechos 26:14

Are uri qonojel xojtzaq pulew; are uri xinta jun ch'awb'al chikaj chi xub'ij pa ch'ab'al Hebreo: Ma Saulo, ma Saulo, ¿B'uchak kattijin chu'anik ch'oj chwij? Yet atukel ka'an k'ax che awib' man keje ka'ano pacha ku'an jun b'oyex are kukoj aqan che jun puyu, utukel ire ku'an k'ax che rib'.

Hechos 9:4

Are uri ma Saulo xtzaq pulew xaq xuta jun ch'awb'al chi xub'ij: Ma Saulo, ma Saulo, ¿B'uchak ka'an ch'oj chwij?

GÉNESIS 16:7

Xwiri i ángel xuriq ati Agar chuchi' jun ralaxb'al ya chila pa tz'inilik jyub' chaqij, che i b'e chi k-e pa Shur.

1 Samuel 3:10

Chrijil chik ile i Ajwal xusik'ij chik, pacha usik'ixik u'anom nab'e: —¡A Samuel! ¡A Samuel! Xub'ij i Dios che. Are uri i a Samuel le xub'ij: —Chatch'awoq, Ta, man i awajchak katuta.

GÉNESIS 22:16

I Ajwal kub'ij: —Man xaxuyaj ti ak'ojol chwe chi xa jun o awu', rumali kinya intzij chawe,

GÉNESIS 22:12

I ángel xub'ij che: —Makamsaj i ala le xaq ma'an taq jun k'ax che, man wo'or weta'am chik chi lik kaxij awib' chwach Dios, man xaxuyaj ti ak'ojol che chi xa jun o awu' —xcha.

GÉNESIS 22:1

X-on panoq i Dios xuk'am upam mam Abraham, xub'ij che: Mam Abraham, i mam Abraham le xub'ij: —In o chi, Ta.

GÉNESIS 21:18

Chatwalijoq, jak'ama i ak'al le, maya che chi ktzaq pulew, man Yin kin-an na chi ke'on ni jun nim laj tinimit amuq axikin ru' ire le.”

GÉNESIS 22:10

Are uri xuk'am pan i kuchil kukamsab'ej re uk'ojol.

GÉNESIS 24:7

I Ajwal Dios chi rajaw i kaj, xinresaj li chi rachoch inqajaw xaq che kulew wachalal, lik xub'ij chwe chi kuya ulewi chke inmuq inxikin; i Ajwal le kutaq nu b'i u-ángel chawach, man kuk'ut ni chawe pachin ali kak'am li che ink'ojol re rixoqil.

GÉNESIS 31:11

Xaq che i achik' chi xin-ano le i ángel re i Dios xub'ij inb'i: —Ma Jacob. —Yin xinb'ij che: “In o chi, Ta.”

GÉNESIS 46:2

Che a'ab' le i Dios xu'ijla mam Israel puwaram, xub'ij che: —Mam Jacob, mam Jacob. Ire xub'ij: —In o chi, Ta.

GÉNESIS 48:16

i ángel chi in resam chupam ronojel i utz taj, chuya ni utzil chomal pkiwi i alab'omi man kumal ike kkuxtax ni inb'i yin xaq ub'i etz inmam mam Abraham, xaq etz inqajaw chi mam Isaac; xaq chek'iyar ni chwach ulew.” Xcha.

ÉXODO 3:2

Are o chila, i ángel re i Ajwal xuk'ut rib' che ma Moisés chupam i a' chi ktoqow che i k'ix. I ma Moisés are xrilo chi lik ktoqow i a' che i k'ix, xaq lik kjar taj;

GÉNESIS 37:13

I mam Israel xub'ij che a José: —I awatz je o chila pa Siquem chkiyu'uxik i chij, rumali kwaj yin keawila wach ki'anom —xcha. —Utzi' —xub'ij a José che.

Jueces 2:1

I ángel re i Ajwal xel chila pa Gilgal x-e pa Boquim, xub'ij chke aj Israel: Yin xixwesaj li pa Egipto, xixink'am li chwach ulewi chi xinsujuj chke iwatit imam are xinb'ij i tziji: “Lik kin-an na pacha xinb'ij chiwe yix ronojel ij saq.

1 Samuel 3:4

Are uri i Ajwal xusik'ij a Samuel, xub'ij che: —¡A Samuel! —Are uri a Samuel le xub'ij: —In o chi, ta.

ISAÍAS 6:8

Are uri xinta uch'awb'al i Ajwal chi kub'ij: “¿Pachin kintaq b'ik? ¿Pachin nawi kk'amaw b'i qatzij?” Xcha. Are uri yin xinb'ij: “In o yin chi, chinataqa b'i yin.”