GÉNESIS 21:8 - Wuj Pa K'ubultzij

⁸ I a Isaac nim chik are xmaj i tz'um che, lik che i ij are xmaj i tz'um che, i mam Abraham xu'an jun nim laj nima'ij.

GÉNESIS 21:8 Referans Kwoze

1 Samuel 1:22

I ati Ana ire x-e taj, rumali xub'ij che i rachijil: Kin-e taj man k'a ktz'uman walab', k'ate kin-ek are ktz'uman ti chik man kinya pu'ab' i Ajwal xaq su' kkanaj kan chila prachoch i Dios, ronojel ij saq.

Oseas 1:8

Are xmaj tz'um che al Lo-ruhama, i ati Gomer xu'on chik raxwinaq i xalax chik jun ralab'.

Salmos 131:2

Are i kin-ano, are iri: Kinch'aw taj xaq utz in olik pacha jun ak'al alum rumal uchuch chi ktijin che i tz'umanik. ¡Qatzij, in keje pacha jun ak'al chi k'ate yatal utz'um!

1 Reyes 3:15

Are xk'un saq chwach ma Salomón, are uri xunab'ej chi xa xachik'ik. Are xupon pa Jerusalén, x-e chila chwach i lo'laj ukaxa i Ajwal chi o utrat chupam, xusujuj i porom sipon xaq jub'an chik sipon re chomb'al k'uxij. Chrijil chik ile xuya jun nim laj wa'im chke konojel i rajpatanib'.

2 Samuel 3:20

Ma Abner xupon pa Hebrón ru' ma David junam ku' juwinaq achiyab' chi kachnimam b'ik. Are uri ma David xuyijb'a jun nim laj wa'im re ma Abner xaq ke i achiyab' chi je enaq ru'.

GÉNESIS 40:20

Are xuriqa urox ij, i ma faraón le, xu'an jun nima'ij re ralaxik ire xaq xeusik'ij konojel i rajchakib' che i nima'ij le; chkiwach konojel i ajchakib' le xutaq b'i kelsaxik prexil i aj-atzil ke i ajya'ol uwa'al uva muqb'am xaq i aj-atzil ke i ajya'ol kaxlanwa.

GÉNESIS 29:22

Are uri ma Labán xumol kichi' konojel i winaq chi je o chila che i k'ijib'al le, xu'an jun nim laj nima'ij.

GÉNESIS 26:30

Are uri ma Isaac xuyijb'a jun nim laj wa'im chke, junam xkitij kiwa xaq xkitu' uwa'al uva muqb'am.

GÉNESIS 19:3

Xwiri ma Lot xu'an pen chke chi ke'e ru', ru' ja; rumali ike xe'e chi rachoch ma Lot. Are uri ma Lot le xuyijb'a jun nim laj wa'im, xu'an wa re trigo te'uri ike xkitijo.

Ester 1:3

Che urox junab' rajawinik ma Asuero, chi ajawinel, xu'an jun nima'ij chke konojel ajpatanib', chke i ketow aj-atol tzij, chke aj-atzil chke achiyab' chi je yij che i ch'oj aj Persia, aj Media, chke aj-ok'al utzam jalajuj taq tinimit xaq aj-atzil chupam i tinimit,

1 Samuel 25:36

Are xupon ati Abigail ipa o wi ma Nabal, xrilo chi ktijin chu'anik jun nima'ij chi rachoch chi pacha i nima'ij chi kki'an i ajawinelab' rumal ki'ij. Ma Nabal lik o chupam jun nim laj kikotemal xaq ktijin che ab'arik, rumali chi ati Abigail nti xub'ij che, k'a chukab' ij xlapan ru',

Jueces 14:12

I a Sansón xub'ij chke i lajuj juwinaq (30) alab'om le: —Kinb'ij jun nanik tzij chiwe; we kib'ij chwe wach usuk', ke'eloq che i wuqub' ij chi kuch'ij i nima'ij, yin kinya ni uri jujun i'u' naj raqan chi lik ko laj lino xaq jujun molaj i'u' re nima'ij.

Jueces 14:10

I uqajaw a Sansón x-e chrilik ali chi kk'uli ru' uk'ojol; are uri a Sansón le xu'an jun nim laj nima'ij, chrij pacha i nima'ij chi kki'an alab'om xaq i altom.

GÉNESIS 21:7

I mam Abraham lik xik'aw ti ile pujolom chi kril ni uwach jun rak'al wu', xwiri wo'or xinya jun rak'al purijal.” Xcha tit Sara.

GÉNESIS 21:9

I tit Sara are xunab'ej chi ralab' ati Agar ru' mam Abraham, kuyo'ya ralab' ire,

1 Samuel 1:24

Rumali, are xumaj tz'um che i ralab' tupu k'a ch'utin, xuk'am b'i prachoch i Dios chila pa tinimit Silo; xuk'am b'i oxib' ral taq me', kawinaq (40) k'ox jok'om trigo xaq jun tz'um chi nojnaq che uwa'al uva muqb'am.