GÉNESIS 21:24 - Wuj Pa K'ubultzij

²⁴ I mam Abraham xub'ij: —Lik kinb'ij pub'i i Dios chi lik mijun utz taj kin-an chawe.

GÉNESIS 21:24 Referans Kwoze

Hebreos 6:16

I winaq, are kkaj kki'aljinsaj chi qatzij wach i kkib'ij, kkikuxtaj ub'i jun chik chi atz u'ij chkiwach ike. We xkib'ij ile, te'uri kuxlan i tzij.

Romanos 12:18

Chikoch'ij iwib' chujek'ik iwib' che i ch'oj, man keje ile, chom kixk'iji chkiwach konojel.

GÉNESIS 14:13

Are uri jun chke i jub'an chi xkich'ij anmajik, x-e chub'ixkil che ma Abram chi aj Heber; chi ma Lot xchaptaj kumal i ajch'oj, i ma Abram le jeqel chila naqaj che i nimaq taq sik'al re i ma Mamre, chi aj Hamor, katz kicha' kib' ru' ma Escol xaq ma Aner. Ike le kiya'om kiwach ru' ma Abram.

GÉNESIS 21:23

Wo'or lik chab'ij chwe waral pub'i i Dios, chi ka'an ti jun utz taj chwe, mita chke wak'al, mita chke inmuq inxikin, man pacha i rutzil ink'ux yin chi xin-an chawe yet xaq keje cha'ana ni yet ile chwe yin, xaq keje cha'ana chke konojel i winaq ipa at o wi wo'or.

GÉNESIS 21:25

Xwiri mam Abraham xukoj uch'ojil che ma Abimelec, chi i je umokom ma Abimelec xkimaj jun k'otom che mam Abraham.

GÉNESIS 47:31

Are uri mam Israel le, xub'ij chik che a José: —Lik chab'ij chik chwe we ka'ano. Are uri ma José xub'ij che uqajaw: —Kin-ano, ta. Are uri mam Israel xuxotb'a ujolom puwi uch'eket chwi uch'at.