GÉNESIS 21:21 - Wuj Pa K'ubultzij

²¹ I tz'inilik jyub' chaqij le ipa xjeqi wi are Parán; i ati Agar xuk'ulb'a i ralab' le ru' jun ixoq aj Egipto.

GÉNESIS 21:21 Referans Kwoze

1 Corintios 7:38

Ke'eloq, pachin jun kub'ij chi utz kk'uli'ik, utzi'. Xwiri we kk'uli taj, mas utz uri.

1 Samuel 25:1

Are xkam ma Samuel, konojel aj Israel xkimol kib' che i o'ej ru'. Xkimuq chi rachoch chila pa Ramá. Chrijil chik ile i ma David x-e pa tz'inilik jyub' chaqij Parán.

Jueces 14:2

Are xtzalij b'i ru' ja xub'ij chke uqajaw uchuch: —Chi'ana utzil chwe, chiyijb'a ronojel ni'pa rajwaxik re jun k'ulankil man yin kink'uli ru' jun ali aj Filistea, chi xwil uwach chila pa tinimit Timnat.

NÚMEROS 13:26

chila pa Cades pa tz'inilik jyub' chaqij Parán. Chila je o wi ma Moisés, ma Aarón xaq konojel aj Israel, are uri xkilap chke wach taq xekila loq xaq xkik'ut uwach i echa' chke chi kik'amom li pa tinimit chi xeupon chrilik.

NÚMEROS 13:3

Keje pacha xub'ij i Ajwal che ma Moisés xeutaq b'i jub'an winaq chrilik ulew Parán, kelik chila pa tz'inilik jyub' chaqij chi Parán ub'i. Ike le konojel is o kipatan chkixol aj Israel.

NÚMEROS 12:16

Are xupon chik ati Mariy ku', te'uri konojel aj Israel xe'el chila pa Hazerot, xkimaj chub'i kib'e, xe'e pa tz'inilik jyub' chaqij chi Parán ub'i, chila xek'iji wi.

NÚMEROS 10:12

Are uri aj Israel xe'el chila pa tz'inilik jyub' chaqij Sinaí, xkimaj chub'i kib'e xe'e pa tz'inilik jyub' chaqij Parán, man chila xtak'i wi i sutz'.

GÉNESIS 27:46

Are uri tit Rebeca xub'ij che mam Isaac: —Yin o jun k'ax pink'ux chi kwaj kinb'ij chawe, i ixoqib' aj Het rixnaq chik ink'ux chke, lik kwaj ti chik in o ku', we xk'uli tan chik ma Jacob ru' jun ali aj Het chi je jeqel waral che i tinimiti, lik utz uri su' chinkamoq —xcha.

GÉNESIS 14:6

i aj Hor xjeqan b'i kelsaxik chwi taq jyub' Seir k'a xk'is tikilem chke chila Parán chi o chuchi' i tz'inilik jyub' chaqij.

GÉNESIS 25:18

I je umuq uxikin etz mam Ismael le, xejeqi chwach ulew chi o chuxol i Havila ru' i Shur, chwach i tinimit Egipto, xaq pusuk' b'i i tinimit Asiria. Chila xejeqi wi, tupu o ch'oj chkij kumal i katz kicha'.

Habacuc 3:3

I Dios kpe che i ulew Temán; che utzam jyub' Parán kpe wi i Lo'laj Dios. I uchomalil klik'taj b'i chwach ronojel i kaj, i ronojel uwach i jyub' ta'aj knoj che ub'ix.

GÉNESIS 16:3

Rumali i tit Sarai xujach rajke'el chi ati Agar aj Egipto, pu'ab' mam Abram re rixoqil. Ile xuk'ulmaj are o chik lajuj junab' ujeqelem mam Abram chila Canaán.

1 Reyes 11:18

Xe'el pa Madián, xe'e k'a chila Parán, chila xaq xe'e ku' ike jujun achiyab'. Chrijil chik ile, xe'e k'a pa Egipto, are xeupon chwach i ajawinel ma faraón, i ajawinel le xuya kachoch, kiwa xaq xuya kulew.

SEGUNDO LIBRO DE CR%D3NICAS 24:3

I ma Joiada xuk'ulb'a ku' keb' ixoqib' chi xeuk'uwalij k'i uk'ojol xaq umi'al ku'.

JEREMÍAS 29:6

Chixk'ulanoq, chalax ni iwak'al alab'om xaq altom, xaq ike le chek'ulanoq xaq chalax ni kak'al xaq lik chixk'iyaroq, lik mix-ob'ik.