GÉNESIS 21:13 - Wuj Pa K'ubultzij

¹³ Xaq i ralab' i ajke'el le kin-an ni chke i rak'al chi ke'on jun nim laj tinimit, man ire le xaq lik awak'al yet.”

GÉNESIS 21:13 Referans Kwoze

GÉNESIS 21:18

Chatwalijoq, jak'ama i ak'al le, maya che chi ktzaq pulew, man Yin kin-an na chi ke'on ni jun nim laj tinimit amuq axikin ru' ire le.”

GÉNESIS 17:20

Xaq kinya ni utzil chomal puwi a Ismael pacha xatz'onoj chwe. Kin-an ni che chi kk'uwalinik, xaq lik keink'iyarsaj ni umuq uxikin, xaq are ni ire kiqajaw i kab'lajuj raqan u'ab' i ajawinel, xaq lik kin-an ni jun nim laj tinimit chke umuq uxikin.

GÉNESIS 16:10

Man lik saq laj tzij iri: Chi keink'iyarsaj ni amuq axikin, chi mijun ktiki chkajlaxik rumal kik'iyal.

GÉNESIS 21:14

Chukab' ij i mam Abraham lik we' xwalijik, xuk'am i lejom wa re trigo, xaq xuk'am jun tz'um chi o ya chupam, xuya che ati Agar. Xuya an xol uteleb' xaq xuya b'i ralab' che, are uri xutaq b'ik. Are u'ankil uri chi xel b'i ati Agar, to' x-e b'i pa taq tz'inilik jyub' chaqij chila Beerseba.