i mam Abraham xub'ij chi tit Sara chi rixoqil xa ranab', rumali ma Abimelec chi ajawinel re i tinimit Gerar xutaq uk'amik tit Sara man ku'an rixoqil che.
Are uri mam Abraham xula' uwach che: —Xinch'ob' yin, i winaq chi je o waral che i tinimiti kkixij ti kib' che i Dios, lik kinkikamsaj uri rumal i wixoqil kinb'ij yin.
Man i Dios are xub'ij chwe chi kwo'taj kan kachoch inqajaw inchuch man kin-e b'i chwach i jyub' ta'aj, are uri xinb'ij iri che wixoqil: Are utzil iri chi kwaj ka'an chwe xaipa koj-e wi, arewi chab'ij chi yin in axib'al, xincha che.
I achiyab' chi je aj Gerar, are xkitz'onoj che ma Isaac wach chux ati Rebeca che, ire xub'ij chke chi ranab'. Man ati Rebeca le lik chom laj ixoq, rumali ma Isaac xuxij rib' chusaqixik chi rixoqil; man ire xuch'ob'o chi moqxa kkamsaxik.
¿Ipa kwuwaj wi wib' yin rumal ink'ix? Xaq yet lik kb'ix ni uri chawe, kumal aj Israel, chi lik nti pich' ak'ix. Rumali kintz'onoj jun utzil chawe, chi chab'ij che i ajawinel, man ire le nti kub'ij che we kink'iji awu' —xcha.