GÉNESIS 18:7 - Wuj Pa K'ubultzij

⁷ I mam Abraham le pa'anem x-e la chik ku' i chikop, xu'ul li jun ral me' chi lik ti'oj, xuya la che utaqon; i taqon le juntir xuyijb'ala.

GÉNESIS 18:7 Referans Kwoze

Lucas 15:30

Xwiri are xk'un i awak'ali chi to' xusach uwach ub'itaq awe ku' ixoqib' chi kkich'ak i kimer chwach i kich'akul, yet xa taq ukamsaxik i me' chi lik ti'oj, xa rumal ire.

Lucas 15:27

I mokom xub'ij che: “I acha' ya xk'un chik ru' ja, rumali i aqajaw xutaq ukamsaxik i me' chi lik ti'oj, man utz uwach acha' xk'unik.”

Lucas 15:23

Chik'ama li i me' chi lik ti'oj xaq chikamsaj. ¡Man kqa'an jun nima'ij ru' jun wa'im!

Mateo 22:4

Te'uri xeutaq chub'i jub'an chik umokom chkisik'ixik. Xub'ij chke: “Chib'ij chke ni'pa i je insik'im na, chi yij chik i wa'im. Chib'ij chke chi je inkamsam chik i chikop chi je in ti'ojersam. Ronojel is yij chik; ike chepetoq, chixchoq chke.”

MALAQUÍAS 1:14

¡Lik chk'oqox ni ajt'oronel chi kub'ij chi kusujuj jun chikop chwe chi lik nti k'ax che, xwiri are kuporoj i sipon, xa are i chikop chi o k'ax che are kusujuj chwe! Yin in are i nim laj Ajawinel, i konojel i winaq pa taq tinimit kkiyak in-ij.” Iri kub'ij i Ajwal chi ronojel ktiki che.

AMÓS 6:4

Ixkotz'ol puwi i chomiq taq kotz'ib'al re marfil, lik kiya iwib' chu'anik i nimaq taq inima'ij i kitij ral taq chij xaq i me' ti'ojib';

GÉNESIS 19:3

Xwiri ma Lot xu'an pen chke chi ke'e ru', ru' ja; rumali ike xe'e chi rachoch ma Lot. Are uri ma Lot le xuyijb'a jun nim laj wa'im, xu'an wa re trigo te'uri ike xkitijo.

GÉNESIS 18:6

Are uri mam Abraham juntir x-e la ru' ja ipa o wi tit Sara, xaq xub'ij che: —Chab'isoj, chayijb'a kawinaq ral taq k'ox rutzil arin re trigo, cha'ana or che, te'uri cha'an la lejom wa che —xcha.

GÉNESIS 18:8

I mam Abraham le xaq xuk'am b'i mantekil, leche xaq i ti'ij re i me' chi xuyijb'a i taqon, xuya chke achiyab' re kkitijo. Tz'aqat are ketijin achiyab' le che i wa'im, i mam Abraham tak'al ku' chila chi muj re i che'.

1 Samuel 28:24

Are uri ixoq xukamsaj jun me' chi lik ti'oj chi o ru' ja xaq xuyot' upam i arin man ku'an la jub'an lejom wa re trigo chi nti kunb'al ru'.