GÉNESIS 18:33 - Wuj Pa K'ubultzij

³³ I Ajwal are xuk'is lapanik ru' mam Abraham, xel chila, xaq i mam Abraham x-e chi rachoch.

GÉNESIS 18:33 Referans Kwoze

GÉNESIS 18:22

Te'uri i achiyab' le xkimaj b'i kib'e, xe'e pa Sodoma; xwiri mam Abraham k'a xtak'i kan chwach i Ajwal.

GÉNESIS 32:26

I achi xub'ij che: —Chinawo'taj, man ktijin chik usaqirik. I ma Jacob xub'ij che: —Katwo'taj taj we kaya ti utzil chomal pinwi —xcha.

GÉNESIS 31:55

Chukab' ij are xsaqirik xwalij ma Labán, xeutz'ub'aj i ri umam xaq xeutz'ub'aj i umi'al; xuya utzil chomal pkiwi, te'uri xtzalij b'i chi rachoch.

GÉNESIS 18:16

Te'uri i achiyab' le, xewalijik xkimaj b'i kib'e pa tinimit Sodoma xaq i mam Abraham xerachnimaj b'ik, ijlab'al b'i ke.

GÉNESIS 3:8

Are xutikb'a jorob'ik i ij, i achi ru' i rixoqil xkita chi i Dios kmalkat pa tikonb'al, are uri xe'e la pa'anem chruwaxik kib' chuxol taq che', man kkaj taj chi ke'iltaj rumal i Dios.

GÉNESIS 17:22

I Dios are xuk'is lapanik ru' mam Abraham xel chila.

GÉNESIS 35:13

Are xb'itaj ile rumal i Dios, are uri xel chila che i k'ijib'al le ipa xlapan wi ru' ma Jacob.

NÚMEROS 12:9

I Ajwal lik xpe roywal chke ike le, are uri x-ek.

GÉNESIS 32:1

I ma Jacob xumaj chub'i ub'e, are uri xek'un jub'an ángel re i Dios chuk'ulaxik.