GÉNESIS 18:29 - Wuj Pa K'ubultzij

²⁹ Xwiri mam Abraham xub'ij chik: —We xa kawinaq (40) keriqtaj chila chi je utz. I Ajwal xub'ij: —Kinchup ti uwach i tinimit le rumal k'axnab'al ke i kawinaq (40) le —xcha.

GÉNESIS 18:29 Referans Kwoze

Hebreos 4:16

Rumali chqakowirsaj qak'ux che i tejeb'ik ru' ukub'ib'al i Dios chi o u'ij i k'ax kojuna'o. Ire kril ni tob'al qawach xaq kuya ni utzil chomal chqe are o rajwaxik chqe.

Efesios 6:18

Ronojel inb'im le, chi'ana, xwiri mimayij lapanik ru' i Dios. Lik arewi chitz'onoj tob'al iwe che Ire; man i Lo'laj Utewal lik kixuto na. Mb'a'krij ik'ux, xaq mimayij utz'onoxik che pkiwi konojel i je re Ire.

GÉNESIS 18:28

Xwiri moqxa ketz'aqat ti jo'ob' chke i lajuj kawinaq, (50) chi je utz laj taq winaq, ¿Xatab'a kachup uwach i tinimit le kumal i jo'ob' chi ketz'aqat ti chke? —Kinchup ti uwach i tinimit le we keinriq jo'ob' kawinaq (45) utz laj taq winaq chke —Xcha i Ajwal.

GÉNESIS 18:30

I mam Abraham xub'ij chik: —Mpe awoywal chwe, Wajwal, xaq mina'atij che i lapanik awu'. We xa lajuj juwinaq (30) keriqtaj chila chi je utz. I Ajwal xub'ij: —Kinchup ti uwach i tinimit le, we keinriq lajuj juwinaq (30) utz laj taq winaq chila —xcha.