GÉNESIS 18:24 - Wuj Pa K'ubultzij

²⁴ Moqxa je o lajuj kawinaq (50) utz chkixol konojel i winaq pa tinimit, ¿Kachup nawi uri kiwach, lik kakuy ti nawi uri kimak konojel i winaq le, rumal k'axnab'al ke i lajuj kawinaq (50) utz je o chila?

GÉNESIS 18:24 Referans Kwoze

JEREMÍAS 5:1

I Ajwal kub'ij: “Chixsutin pa taq b'e re i Jerusalén, lik chiwila, chitzukuj pa taq k'ijib'al ipa kkimol wi kib' i winaq re i tinimit, we kiriq jun chi lik utz i ku'ano, chi lik kraj saqil kch'awik, we kiriqo, kinkuy uri umak i Jerusalén.

ISAÍAS 1:9

I Ajwal chi ronojel ktiki che matiji xukanaj chik keb' oxib' chqe yoj, lik oj keje te'eq chiki pacha i Sodoma xaq i Gomorra.

GÉNESIS 18:32

I mam Abraham k'a xub'ij chik: —Mpe awoywal, Wajwal, xwiri chaya ni chwe, chi kinch'aw julaj chik awu'. We xa je lajuj keriqtaj chila chi je utz, wach nawi ka'ano. I Ajwal xub'ij: —Rumal k'axnab'al ke i lajuj le kinchup ti uwach i tinimit le.

Hechos 27:24

Ire xub'ij chwe: Maxij awib' ma Pablo, man lik rajwaxik katupon chwach i ma César chi aj Roma xaq awumal yet, i Dios keuto ni konojel i winaq chwach kamik chi je o awu' pa barco —xcha.

GÉNESIS 18:23

Are uri i mam Abraham le xtejeb' pan chwach i Ajwal xub'ij che: —¿Kachup nawi kiwach i utz laj taq winaq junam ku' i utz ti laj taq winaq?

GÉNESIS 18:25

Kmajaw taj chi kakamsaj i utz laj winaq junam ru' i utz ti laj winaq; ¿Xatab'a chekeb' xaqjun kimak xki'ano? Lik ka'an ti ile. Yet chi at atol tzij puwi ronojel uwach i jyub' ta'aj ¿Xatab'a ka'an ti suk'ul laj atb'al tzij?

Job 35:8

I amak le lik chke i winaq chi pacha yet k-on wi i utz taj, chi xaq chke ike k-on wi i utz, we utz i ka'ano.