GÉNESIS 17:13 - Wuj Pa K'ubultzij

¹³ Rajwaxik chi konojel koksax ni circuncisión le che kich'akul: Alaxel pa wachoch, xaq i je alo'om ru' amer, man keje ile i intrat le kkanaj ni che ich'akul ronojel ij saq.

GÉNESIS 17:13 Referans Kwoze

ÉXODO 12:44

Xwiri konojel i winaq chi je o pa k'ax rumal rajaw kichak chi je lo'tal ru' mer, utz we kya' chke kkitijo, xwiri we antal circuncisión chke.

NEHEMÍAS 5:8

xaq xinb'ij chke: “Yoj lik qa'anom qakoch' ru' ronojel ni'pa oj tikinaq chu'anik tob'al ke, man oj tikinaq chkelsaxik i qachi'il aj Israel, chi je k'aytal b'i chke tinimit chi kkikoj ti i Dios; ¿Wo'or yix kich'ob' tan chik kik'ayixik? ¿Yoj tan chiki ile keqesaj chaloq?” Ike lik xkila' ti chik uwach man xkiriq ti chik wach xkib'ij.

GÉNESIS 37:36

I je aj Madián xkik'ayij a José chila pa Egipto che jun achi ma Potifar ub'i, i achi le o upatan chrij ma faraón, xaq kaj-atzil i chajal.

Mateo 18:25

I jun le lik nti keuk'ama wi, tojb'al re uk'as chi u'anom. Rumali, i ajawinel xub'ij chi kk'ayix na, junam ru' i rixoqil, xaq i rak'al, xaq ronojel i ub'itaq re, tojb'al re uk'as.

NEHEMÍAS 5:5

“Yoj xaq i qach aj tinimit oj xaqjun chi lemajil; i qak'al yoj xaq i kak'al ike lik rajwaxik chi junam kilik k-anik man je xaqjun. Tupu, yoj keqaya ni qami'al qalk'uwal chi k-an ni mokom chke chi je o pu'ab' kajaw. Saq laj tzij chi o chik jujun chke qami'al chi je mokom chik, lik nti pqa'ab' chi keqesaj che ile, man i qulew xaq i qatikanb'al ya o chik pu'ab' jun chik.”

ÉXODO 21:16

Jun we krel-aj jun winaq, tupu uk'ayim chik o xaq we k'a o pu'ab', are knab'tajik lik kkamsax na.

ÉXODO 21:4

I rajaw we kuya rixoqil i winaq chi o pa k'ax rumal rajaw uchak xaq i winaq le chi o pa k'ax rumal rajaw uchak we kealax rak'al ru' i rixoqil, i rak'al le xaq i rixoqil je re ti uri ire, je re ni rajaw, rumali i winaq le chi o pa k'ax rumal rajaw uchak le utukel uri k-ek.

ÉXODO 21:2

We o jun kulo' taq jun winaq aj Hebreo chi o pa k'ax rumal i rajaw uchak, waqib' junab' uri kchakun na, xwiri che uwuq junab' ko'tax nu b'ik, lik kutoj ti relb'al b'ik.

GÉNESIS 39:1

Are xk'am b'i a José pa Egipto kumal i aj Ismael, ike le xkik'ayij che jun achi chi o upatan chrij ma faraón, i achi le ma Potifar ub'i, kaj-atzil i chajal.

GÉNESIS 37:27

Are utz chqak'ayij b'i chke aj Ismael le chwach kqakamsaj, man ire le lik qacha' —xcha. I ratz ucha' xkiya kiwach ru'.

GÉNESIS 15:3

Man lik nti jun wak'al aya'om, rumali ub'itaq we kkanaj kan pu'ab' jun chke inmokom —xcha ma Abram.

GÉNESIS 14:14

Are xuta ma Abram chi o chik rika' prexil pki'ab' ajch'oj, xumol kichi' umokom chi je alaxel prachoch chi xaq je yij che i ch'oj, je wajxaqlajuj jo'lajujwinaq (318) xeyiji konojel, are uri xeterej b'i chkij i ajawinelab', xekiriqa k'a chila che i tinimit Dan.

GÉNESIS 9:16

Arewi are k-aljin i xok-ab' le chupam i sutz', are uri Yin kwil na xaq kk'un ni intrat chink'ux chi nti uk'isik chi in-anom ku' i winaq xaq ku' konojel ni'pa i jalajuj taq chikop re uwach i jyub' ta'aj.

GÉNESIS 17:7

Intrat chi kin-an ni awu' yet xaq ku' amuq axikin pa taq kilemajil, i trat le chi nti uk'isik are iri: Lik arewi Yin na in a-Dios yet, xaq in ki-Dios ni amuq axikin.

LEVÍTICO 22:11

Jun ajsujul sipon we kulo' jun winaq chi o pa k'ax pu'ab' i rajaw, i winaq le kutij uri ni'pa i o u'ij. Xaq ni'pa je alaxnaq chi rachoch i ajsujul sipon, utz kkitijo wach kutij ire.