GÉNESIS 14:17 - Wuj Pa K'ubultzij

¹⁷ Are xtzalij li ma Abram chkich'akik i ajawinelab' chi je rachi'ilam b'i ma ajawinel Quedorlaomer, are uri i ajawinel re i Sodoma x-e chuk'ulaxik ma Abram chwa ta'aj chi Save ub'i, chi xaq Ta'aj re i Ajawinel kb'ix che.

GÉNESIS 14:17 Referans Kwoze

2 Samuel 18:18

I ma Absalón are k'a k'aslik, xutaq ukojik jun ab'aj nim kuxtab'al re, ile xkiya chila che i k'ijib'al chi: “Chwa ta'aj re i Ajawinel” ub'i, xukoj ub'i che man nti jun rak'al chi kukuxtaj kan ub'i. Ile k'a are o wi wo'or chi kkib'ij: “K'exwach re ab'aj re ma Absalón”.

Hebreos 7:1

I mam Melquisedec le, keb' upatan. Ajawinel pa tinimit Salem, xaq rajpatan i Dios. U'anom loq are i mam Abraham xch'akan che i ch'oj ku' i ajawinelab'. Are ktijin che i b'e tzalijik li re, i mam Melquisedec x-e chuk'ulaxik xaq xutz'onoj utzil chomal re i Dios puwi.

Proverbios 19:4

I b'eyom rumal ub'eyomal je o k'iyal ramiy; xwiri i nib'a' rumal unib'a'il ko'tax kan kumal i ramiy.

Proverbios 14:20

I nib'a' lik tzel ne k-il kumal i ramiy, xwiri i b'eyom lik je k'i i k'ax kenawik.

1 Samuel 18:6

Xwiri, are xetzalij li achiyab' pa ch'oj, chrijil chik ukamsaxik ma Goliat rumal a David, are uri xe'el li ixoqib' re jalajuj taq tinimit Israel chuk'ulaxik i ajawinel chi ma Saúl, lik ru' jun nim laj kikotemal kexajawik, keb'ixanik xaq kkichilcha i chilchil.

Jueces 11:34

Are xupon ma Jefté chi rachoch chila pa Mizpa, are uri xel li umi'al chuk'ulaxik chi xa jun, lik kxajawik xaq kuchilcha i chilchil. Lik xwi i rak'al ire le.

GÉNESIS 14:1

Xuk'ulmaj che taq i ij le, chi ma Amrafel, are ajawinel re i tinimit Sinar, ma Arioc are ajawinel re i tinimit Elasar, ma Quedorlaomer, are ajawinel re i tinimit Elam xaq ma Tidal, are ajawinel re i tinimit Goim,

GÉNESIS 14:5

Are uri che i junab' kajlajuj, ma Quedorlaomer xaq i jub'an chik ajawinel chi kiya'om kiwach ru', xe'e chu'anik ch'oj chkij i jalajuj taq tinimiti: Aj Refa k'a pa Astarot Karnaim xetiki wi chke, te'uri xaq xetiki chke aj Zuz pa Ham, aj Em k'a pa Save Quiriataim xetiki wi chke,

GÉNESIS 14:10

Ronojel uwach i ta'aj re i Sidim le lik k'i i k'otom olik chi nojnaq che i ol eq, are xe'anmaj i ajawinel re i tinimit Sodoma xaq ajawinel re i tinimit Gomorra xetzaq chupam i k'otom le; i jub'an chik ajawinelab', xkich'ij anmajik chwi taq jyub'.