GÉNESIS 14:14 - Wuj Pa K'ubultzij

¹⁴ Are xuta ma Abram chi o chik rika' prexil pki'ab' ajch'oj, xumol kichi' umokom chi je alaxel prachoch chi xaq je yij che i ch'oj, je wajxaqlajuj jo'lajujwinaq (318) xeyiji konojel, are uri xeterej b'i chkij i ajawinelab', xekiriqa k'a chila che i tinimit Dan.

GÉNESIS 14:14 Referans Kwoze

Jueces 18:29

Tupu i tinimit le Lais te'eq ub'i ujer, xwiri ike xkiya pub'i Dan, kuxtab'al re i etz katit kimam chi ma Dan, chi uk'ojol kan etz ma Israel.

GÉNESIS 15:3

Man lik nti jun wak'al aya'om, rumali ub'itaq we kkanaj kan pu'ab' jun chke inmokom —xcha ma Abram.

ECLESIASTÉS 2:7

Xeinlo' winaq chi xeinya pa k'ax rumal inchak, ixoqib' xaq achiyab' xaq lik o ne taqon xealax chi wachoch. Mas xek'iyar inb'akib' xaq inchij chkiwach ni'pa je ik'awnaq chik pa ajawinel chila Jerusalén.

Deuteronomio 34:1

Ma Moisés xel chila chwa taq ta'aj Moab, xpaqi b'i chwi jyub' Nebo k'a xupon puwi i jyub' Pisga, chi o chwach i Jericó. Are o chila i Ajwal xuk'ut ronojel ulew che re i Galaad, k'a pa rulew ma Dan,

GÉNESIS 17:27

junam ku' konojel achiyab' chi je o chi rachoch, umokom chi je alaxel ru' ja, xaq i je aj naj chi je lo'tal ru' mer, x-an circuncisión chke.

GÉNESIS 17:12

Rumali konojel i ral taq alab'om pa taq kilemajil chi je o chixol, are o chik wajxaqib' ij che kalaxik, rajwaxik uri k-an i circuncisión chke, xaq keje k-ani chke i alab'om chi je alaxel taj ru' ja, chi xa je lo'talik, lik keje ile k-an ni chke i je aj naj chi je o chixol, chi je amuq axikin taj.

GÉNESIS 12:5

Ma Abram xuk'am b'i rixoqil ru', chi ati Sarai, xaq i rika' chi ma Lot, xaq ronojel ub'itaq ke chi kich'akom, xaq i winaq chi kich'akom chila pa Harán, junam xe'el chila che ulew Harán le xaq junam xeupon k'a che ulew Canaán,

1 Juan 2:18

Ral taq wak'al, oj o chik pa taq k'isb'al ij. Yix itom chik chi ya kk'un jun ajt'oronel chi ajch'oj chrij i Cristo. Wo'or, je k'i chik ile chi je ajch'oj chrij i Cristo, rumali, qeta'am chi oj o chik pa taq k'isb'al ij.

Salmos 68:12

“Ktijin ki'anmajik i ajawinelab' xaq kiwinaq chi je yij che i ch'oj”, ru' taq ja, i ixoqib' kkijach i jalajuj taq b'iroxik chkiwach chi majtal chke i ajch'oj chkij.

Jueces 20:1

Are uri konojel aj Israel, chi kjeqan li uchi' kulew pa Dan, kupon k'a Beerseba xaq k'a che i Galaad, xkimol kib' pacha xa jun achi chila pa tinimit Mizpa chwach i Ajwal.

GÉNESIS 23:6

—Chojata pe nim laj winaq, yet at jun nim laj uwi ujolom chqaxol yoj; rumali chamuqu akamnaq chupam jun utz laj muqb'al qakamnaq yoj, mijun chqe yoj kuxuyaj taq muqb'al ukamnaq chawe —xecha.

GÉNESIS 18:19

Yin xin-ul ire le, man keunawsaj i rak'al xaq i ralk'uwal; man keje ile lik kko'taj ti inb'e Yin chi in Ajwal; kki'an i utz xaq i suk'ulik. We kki'an ile i Ajwal ku'an ni uri ronojel pacha usujum chke.”

GÉNESIS 13:8

Rumali ma Abram xub'ij che i rika' chi ma Lot: “Utz taj chi o ch'oj chqaxol yoj awu', xaq chkixol ajyu'ul qachikop; man lik oj alal awu'.

GÉNESIS 12:16

Rumali lik utz rilik ma Abram x-anik man xsipax uchij, uchikop, u'axna, ukamey xaq i winaq chi je o pa k'ax.

Proverbios 17:17

Jun amiy arewi k'ax katuna'o, are at o pa k'ax lik pacha taq jun awatz acha'.

GÉNESIS 14:12

xaq xkik'am b'i ma Lot chi rika' ma Abram, junam ru' ub'itaq re, man ire jeqel chila pa tinimit Sodoma, rumali xkik'am b'i ku'.

GÉNESIS 14:16

I ma Abram xtiki chumajik chke ronojel i b'eyomal chi kik'amom te'eq b'ik; xaq xtiki chrelsaxik ma Lot pki'ab', chi rika', rachi'ilam ub'itaq re. Xaq xtiki chkelsaxik ixoqib' pki'ab' xaq i jub'an chik winaq chi je k'amtal b'ik.

GÉNESIS 17:23

Lik che i ij le mam Abraham xu'an i circuncisión che uk'ojol, xaq chke umokom chi je alaxel chi rachoch, xaq chke konojel i je ulo'om ru' umer xaq chke konojel i achiyab' chi je o chi rachoch, pacha ub'im i Dios che.

1 Reyes 15:20

Ma Ben-adad utz xuta wach xb'ix che rumal ma Asa, chi ajawinel re i tinimit Judá; are uri xeutaq b'i i kaj-atzil achiyab' chi je yij che i ch'oj man kki'an ch'oj pa tinimit Israel. Keje uri ile chi ma Ben-adad xuk'am kan i jalajuj taq tinimit: Ijón, Dan, Abel-bet-maaca, ronojel ulew Cineret xaq ronojel ulew Neftalí.

JEREMÍAS 41:12

xkimol kiwinaq xaq xe'e chu'anik ch'oj ru' ire. Xkiriq chila pa o wi nim laj k'olb'al ya chi o pa Gabaón.

1 Samuel 30:19

Lik nti xramtaj che ronojel ni'pa xkel-aj te b'i ili'omab', tupu jun b'iroxik lik pich' lik k'a xetiki chumajik chke xaq xramtaj ti jun ak'al, xaq mitene jun nim, man i ma David le lik xtiki chik chumajik chke ronojel.