GÉNESIS 14:12 - Wuj Pa K'ubultzij

¹² xaq xkik'am b'i ma Lot chi rika' ma Abram, junam ru' ub'itaq re, man ire jeqel chila pa tinimit Sodoma, rumali xkik'am b'i ku'.

GÉNESIS 14:12 Referans Kwoze

GÉNESIS 12:5

Ma Abram xuk'am b'i rixoqil ru', chi ati Sarai, xaq i rika' chi ma Lot, xaq ronojel ub'itaq ke chi kich'akom, xaq i winaq chi kich'akom chila pa Harán, junam xe'el chila che ulew Harán le xaq junam xeupon k'a che ulew Canaán,

Apocalipsis 3:19

Keje ile kinb'ij chiwe, man yin is keinyajo, xaq keinjek' ru' kilo'xik konojel ni'pa i k'ax keinna'o. Rumal uri, chi'ana che iwib' ix re chik i Dios ru' ronojel ik'ux; chijalwachij inojb'al i lik chixtzalij chik ru' Ire.

GÉNESIS 11:27

Are ulemajil mam Taré iri chi uqajaw a Abram, a Nacor xaq i a Harán. I ma Harán le are uqajaw a Lot.

Apocalipsis 18:4

Te'uri xinta jun chik ch'awb'al xch'aw chikaj, xub'ij: “Chixel chupam i tinimit le, ni'pa yix ix intinimit. Chixel chila, moqxa kixmakun taq pacha kki'an ike le, moqxa kitij ni tojpen pacha i kkitij ni ike chkij.

Job 9:23

We xaqte'et xpe jun kamik, i Dios xa kutze'ej i k'ax chi kkitij i winaq chi nti kimak.

NÚMEROS 16:26

Are uri ma Moisés xub'ij chke aj Israel: —Chixel chila ipa o wi jub'an ja wu'wik k'ul ke i je utz ti laj taq winaq le, xaq miyin ub'itaq ke chke, man we kiyino, kixkam ni rumal kimak ike.

GÉNESIS 14:11

I kajib' ajawinelab' chi xech'akan che i ch'oj, xkik'am b'i ronojel ni'pa i b'eyomal re i tinimit Sodoma, xaq re i tinimit Gomorra, xaq xkik'am b'i ni'pa kiwa te'uri xe'ek,

GÉNESIS 14:14

Are xuta ma Abram chi o chik rika' prexil pki'ab' ajch'oj, xumol kichi' umokom chi je alaxel prachoch chi xaq je yij che i ch'oj, je wajxaqlajuj jo'lajujwinaq (318) xeyiji konojel, are uri xeterej b'i chkij i ajawinelab', xekiriqa k'a chila che i tinimit Dan.

GÉNESIS 14:16

I ma Abram xtiki chumajik chke ronojel i b'eyomal chi kik'amom te'eq b'ik; xaq xtiki chrelsaxik ma Lot pki'ab', chi rika', rachi'ilam ub'itaq re. Xaq xtiki chkelsaxik ixoqib' pki'ab' xaq i jub'an chik winaq chi je k'amtal b'ik.

GÉNESIS 11:31

I mam Taré xel pa Ur ke aj Caldea, x-e k'a Canaán, xuk'am b'i uk'ojol ru' chi a Abram, a Lot chi ri umam xaq i ralib' chi al Sarai rixoqil a Abram. Xwiri are xeupon che i tinimit Harán xejeqi chila che i tinimit le.