GÉNESIS 14:1 - Wuj Pa K'ubultzij

¹ Xuk'ulmaj che taq i ij le, chi ma Amrafel, are ajawinel re i tinimit Sinar, ma Arioc are ajawinel re i tinimit Elasar, ma Quedorlaomer, are ajawinel re i tinimit Elam xaq ma Tidal, are ajawinel re i tinimit Goim,

GÉNESIS 14:1 Referans Kwoze

GÉNESIS 10:10

I nimaq taq tinimit chi xk'iji pu'ab' are iri: Babel, Erec, Acad xaq i Calne, ronojel i tinimit le chupam ulew Sinar o wi.

GÉNESIS 11:2

Are xe'el chila pusuk' i relb'al ij, xkiriq jun nim laj ta'aj che ulew Sinar; xejeqi chila.

GÉNESIS 10:22

I rak'al ma Sem je are a Elam, a Asur, a Arfaxad, a Lud xaq i a Aram.

ISAÍAS 37:12

¿Are wa ki-dios i tinimit le xekito are xeupon watit inmam chkikamsaxik? I tinimit le je are iri: Gozán, Harán, Resef xaq i winaq aj Edén chi je jeqel chila che i tinimit Telasar.

ISAÍAS 11:11

Che i ij le i Ajwal kuk'ut chik ucho'ab' re kuyu'uj chik kixikin utinimit chi xekanaj kanoq, ku'an ni chke chi ke'el li pa Asiria, pa Egipto, pa Patros, pa Etiopía, pa Elam, pa Sinar, pa Hamat xaq ni'pa i tinimit chi je o chi taq mar.

ZACARÍAS 5:11

Ire xula' uwach chwe: “Kkiyak jun rachoch tiox pa Babilonia. Are ya utzinnaq chik uyakik i ja le, kkiya ni pajb'al le chila puwi ukub'ib'al.”

Daniel 1:2

I Ajwal xuya che i ma Nabucodonosor chi kuchap b'i ma Joacim, chi xaq ktzaq ni pu'ab' k'iyal taq chapb'al re prachoch i Ajwal. Ma Nabucodonosor xeuk'am b'i ajprexil pa Sinar, xaq xuya ni'pa taq i chapb'al chi lik o u'ij chupam i rachoch utiox chi xaril je antalik;

Ezequiel 32:24

Chila o wi Elam junam ku' uwinaq chi je yij che i ch'oj kisutim rij i jul re muqb'al. Konojel ike le xekam pa ch'oj, winaq chi kkikoj ti u'ij i Dios xetzaq chwach i jyub' ta'aj chuxe' ulew. Xekikoj il ni'pa k'a je k'aslik, xwiri wo'or lik nti chik ki'ij chkixol ni'pa xeqaj pa jul re muqb'al.

JEREMÍAS 25:25

chke konojel i ajawinelab' aj Zimri, aj Elam xaq i aj Media:

ISAÍAS 22:6

I je aj Elam xkiyijb'a i kich'ab', te'uri xe'an pa taq kareta, rij taq kaway, i je aj Kir xkesaj li tob'al kib'.

ISAÍAS 21:2

Lik xib'in ib' wach uk'utum i Dios chwe: I jun chi kuk'ayij ramiy che i ajch'oj chrij, lik kuk'ayij, i jun chi wulijsanel, lik kwulijsanik. ¡Chatwalijoq, ma Elam! ¡Ix aj Media, chixch'ojinoq! ¡Man yin lik kwesaj ni k'ax piwi!

GÉNESIS 14:9

i ma Quedorlaomer ajawinel re i Elam; ma Tidal ajawinel re i Goim, ma Amrafel ajawinel re i Sinar, xaq ma Arioc ajawinel re i tinimit Elasar. Je jo'ob' ajawinelab' xki'an ch'oj chkij i kajib' ajawinelab'.

JOSUÉ 12:23

ajawinel re i tinimit Dor, chi xaq o chila pa Dor, ajawinel re i tinimit Goim, chi o chila pa Gilgal;

Daniel 8:2

Are kintijin chrilik pinwach, kinna taq yin chi in o pa tinimit Susa, re i ulew Elam, chuchi' i raqana Ulai.