GÉNESIS 13:15 - Wuj Pa K'ubultzij

¹⁵ Ronojel ulew le chi kawilo, Yin lik kinya ni chawe, xaq chke amuq axikin ronojel ij saq.

GÉNESIS 13:15 Referans Kwoze

SEGUNDO LIBRO DE CR%D3NICAS 20:7

Qajwal Dios, Yet lik chkiwach atinimit Israel xeawesaj b'i winaq chi je o te'eq chwach ulewi, man ronojel ij saq xaya i ulewi chke umuq uxikin mam Abraham chi awamiy.

GÉNESIS 12:7

I Ajwal chila xuk'ut wi rib' che ma Abram xaq xub'ij che: “Chke amuq axikin kinya wi ulewi.” Are uri ma Abram xuyijb'a jun sujb'al sipon chila, re kojb'al u'ij i Ajwal man chila xuk'ut wi rib' che.

GÉNESIS 35:12

I ulew chi xinya che mam Abraham xaq che uk'ojol chi a Isaac, xaq kinya chawe yet, keje ile xaq kinya ni chke amuq axikin chawijil chik yet.”

GÉNESIS 15:18

Che i ij le, i Ajwal xu'an jun trat ru' ma Abram, xub'ij che: —Chke amuq axikin kinya wi ulewi, kjeqan li chi raqana Egipto kk'is k'a che i nim laj raqana Éufrates:

Hechos 7:5

Xwiri i Dios xuya ti che mam Abraham we ku'an taq re che i ulew, mitene jub'i' yab'al raqan. Xwiri, xub'ij che chi k-on panoq, i ulew le kuya ni chke umuq uxikin, chrijil chik ukamik ire. (I Dios are xu'an i sujunik le che i mam Abraham, k'amaja rak'al che taq i ij le).

Salmos 37:29

I je utz laj taq winaq kya' ni ulew chke re kuxtab'al xaq kejeqi ni chwach ronojel ij saq.

Salmos 37:22

Ni'pa kya' i utzil chomal pkiwi rumal i Ajwal, kejeqi ni chwach ulew chi sujtalik; xwiri ni'pa kya' i k'oqb'al pkiwi rumal i Ajwal, lik kchupsax ni kiwach.

Mateo 5:5

Utz ke ike chi kki'an ti nim che kib', man kya' ni jyub' ta'aj chke chi usujum i Dios.

NÚMEROS 34:2

Chab'ij i tziji chke aj Israel: Yix ya kixok b'i chwach ulew Canaán, i ulew le lik iwe yix na xaq are uchi' iri:

ÉXODO 33:1

I Ajwal xub'ij che ma Moisés: —Jat, chatel che i k'ijib'ali, junam ku' i winaq chi xeawesaj li pa Egipto, jix chila che ulew chi xinsujuj che ma Abraham, che ma Isaac xaq che ma Jacob, chi kinya chke kimuq kixikin,

GÉNESIS 48:4

ru' i tziji: “Kin-an ni chawe chi katk'uwalinik, xaq kek'iyar ni amuq axikin, xaq kin-an ni chke amuq axikin le chi ke'on ni k'iyal taq tinimit, xwi ta la ile, xaq chke ike kinya wi kan ulewi ronojel ij saq.”

GÉNESIS 28:13

xaq xrachik'aj chi i Ajwal o li puwi i yoch chi xaq xub'ij i tziji che: “Yin in Kajwal xaq in ki-Dios amam mam Abraham xaq aqajaw mam Isaac. Chawe yet xaq chke amuq axikin kinya wi ulew le ipa at kotz'ol wi.

GÉNESIS 28:4

Xaq chuya ni utzil chomal i Ajwal chawe, xaq chke amuq axikin chi usujum che mam Abraham, man kya' ni ulew chke ipa oj o wi wo'or chi pacha oj ajposar, are ulew chi usujum che mam Abraham;” xcha.

GÉNESIS 24:7

I Ajwal Dios chi rajaw i kaj, xinresaj li chi rachoch inqajaw xaq che kulew wachalal, lik xub'ij chwe chi kuya ulewi chke inmuq inxikin; i Ajwal le kutaq nu b'i u-ángel chawach, man kuk'ut ni chawe pachin ali kak'am li che ink'ojol re rixoqil.

ISAÍAS 63:18

¡Lik k'iyal ti ij i lo'laj atinimit x-on rajaw che i nim laj tinimit! Man i je ajch'oj chqij xkiya'ya awachoch.

Deuteronomio 34:4

Are uri i Ajwal xub'ij che ma Moisés: “Iri are ulew chi xinsujuj chke mam Abraham, mam Isaac xaq mam Jacob, chi kinya ni chke kimuq kixikin. Kinya chawe chi kawil pan uwach chinaj, xwiri katok ti chwach.”

GÉNESIS 18:18

Man saq laj tzij lik kin-an ni jun nim laj tinimit chke umuq uxikin, xaq lik o ni ki'ij; man rumal i mam Abraham le kya' ni utzil chomal pkiwi konojel i tinimit chwach i jyub' ta'aj.

GÉNESIS 13:17

Jat, chatb'in chwach ronojel ulew le, che ronojel i raqan xaq che ronojel uwach, man chawe yet kinya wi.”

GÉNESIS 15:7

Xaq xub'ij chik che: —Yin in Awajwal, chi xatwesaj li pa Ur ke aj Caldea, kinsipaj i ulewi chawe re katk'iji ni chwach.

GÉNESIS 28:14

I amuq axikin lik kek'iyar na pacha uk'aj ulew, kkinojsaj nu b'i uwach ulew prelb'al ij xaq puqajb'al ij, pa moxab' xaq pa wiqab'; konojel alk'uwal re uwach i jyub' ta'aj kinya ni utzil chomal pkiwi awumal yet, xaq kumal amuq axikin.

GÉNESIS 50:24

X-on panoq, i mam José xub'ij chke i rachalal: “Yin ya kinkamik, xwiri i Dios lik kixuto na, xaq kixresaj b'i waral che ulewi, kixuk'am b'i che ulew chi usujum i Dios che etz mam Abraham, che etz mam Isaac xaq che etz mam Jacob.”

ÉXODO 32:13

Chek'un awajchak chak'ux chi mam Abraham, mam Isaac xaq mam Israel; lik yet xab'ij chke chi “ka'an ni chke kimuq kixikin chi lik je k'i na pacha uk'iyal i ch'umil chwa kaj.” Xaq xab'ij chke chi “ronojel ulewi kaya ni chke kimuq kixikin, lik ke ni ike ronojel ij saq.”

Deuteronomio 9:5

Rumal ti i'ij, rumal ti che we ix utz laj taq winaq chi kya' kan ulew chiwe, i Ajwal keresaj b'i konojel i winaq chiwach yix rumal kimak ike xaq rumal ku'an na pacha usujum chke: Mam Abraham, mam Isaac xaq mam Jacob, chi iwatit imam yix.

PRIMER LIBRO DE CR%D3NICAS 16:18

are xub'ij iri: “Kinya ulew Canaán chawe, pacha jun kuxtab'al ke aqajaw achuch.”