GÉNESIS 12:1 - Wuj Pa K'ubultzij

¹ Jun ij, i Ajwal xub'ij che ma Abram: “Chawo'taj kan awulew, awachalal, xaq i kachoch aqajaw achuch, man kat-e che ulew chi kink'ut ni Yin chawe.

GÉNESIS 12:1 Referans Kwoze

Hebreos 11:8

Xaq i mam Abraham ujer, lik kul uk'ux che i Dios. Rumali, are xsik'ix rumal i Dios, xukojo wach i xb'ix che. Xel putinimit, xumaj b'i ub'e, reta'am taj ipa k-e wi.

NEHEMÍAS 9:7

Ajwal, Yet, Ajwal Dios xa'ul ma Abram; Yet xawesaj li pa Ur, chi are kitinimit aj Caldea, xaq ma Abraham xaya pub'i.

ISAÍAS 51:2

chiwila pe mam Abraham chi iqajaw, xaq tit Sara chi xuya ik'aslemal. Yin are xinsik'ij xa jun te'eq, xwiri xinya utzil chomal puwi xaq xinya k'iyal taq umuq uxikin.

GÉNESIS 15:7

Xaq xub'ij chik che: —Yin in Awajwal, chi xatwesaj li pa Ur ke aj Caldea, kinsipaj i ulewi chawe re katk'iji ni chwach.

Ezequiel 33:24

I winaq chi je jeqel pa taq tinimit re Israel chi je o puyej, ketijin chub'ixkil: Ma Abraham chi xa jun, xwiri, xu'an rajaw i nim laj ulewi; mas o ne qe yoji che, man lik oj k'i, re koju'an ni rajaw i nim laj ulewi.

2 Corintios 6:17

Xaq tz'ib'tal kan chupam uwuj i Dios: “Chixel chkixol i je aj-anol utz taj; miwachi'ilaj iwib' ku'. Mi'an i utz taj Man keje ile Yin kixink'ulaj ni uri wu'.

ISAÍAS 41:9

Yin xatwesaj chuchi' ulew, xatinsik'ij man lik k'a pa rokrik naj at o wi te'eq, xaq xinb'ij chawe: “Yet at wajpatan.” Yin at in-ulum xaq at inxutum taj.

Apocalipsis 18:4

Te'uri xinta jun chik ch'awb'al xch'aw chikaj, xub'ij: “Chixel chupam i tinimit le, ni'pa yix ix intinimit. Chixel chila, moqxa kixmakun taq pacha kki'an ike le, moqxa kitij ni tojpen pacha i kkitij ni ike chkij.

GÉNESIS 20:13

Man i Dios are xub'ij chwe chi kwo'taj kan kachoch inqajaw inchuch man kin-e b'i chwach i jyub' ta'aj, are uri xinb'ij iri che wixoqil: Are utzil iri chi kwaj ka'an chwe xaipa koj-e wi, arewi chab'ij chi yin in axib'al, xincha che.

GÉNESIS 24:4

Are kwaj chi ka'ano are iri: Kat-e chila ipa in alaxnaq wi, chila kak'ama wi rixoqil ink'ojol chi a Isaac, man chila je jeqel wi konojel walk'uwal —xcha.

GÉNESIS 26:2

Xaq chila xuk'ut wi rib' i Ajwal che ma Isaac, xaq xub'ij che: “Mat-e pa Egipto; man katjeqi ni chwach ulew chi k'ate kinb'ij chawe.

ISAÍAS 37:12

¿Are wa ki-dios i tinimit le xekito are xeupon watit inmam chkikamsaxik? I tinimit le je are iri: Gozán, Harán, Resef xaq i winaq aj Edén chi je jeqel chila che i tinimit Telasar.

GÉNESIS 24:7

I Ajwal Dios chi rajaw i kaj, xinresaj li chi rachoch inqajaw xaq che kulew wachalal, lik xub'ij chwe chi kuya ulewi chke inmuq inxikin; i Ajwal le kutaq nu b'i u-ángel chawach, man kuk'ut ni chawe pachin ali kak'am li che ink'ojol re rixoqil.

GÉNESIS 24:38

are ka'ano, are iri: Kat-e ku' i ralk'uwal kan inqajaw, katzukuj rixoqil ink'ojol chkixol ixoqib' chila.” —Xcha.

NÚMEROS 10:30

I ma Hobab xub'ij che ma Moisés: —Kin-e taj, man kwaj kintzalij chik chwach wulew ipa je o wi walk'uwal.