Biblia Todo Logo
Bib sou entènèt

- Piblisite -




GÉNESIS 10:5 - Wuj Pa K'ubultzij

5 Je are rak'al ma Jafet ile, xejeqi naqaj che uchi' taq mar, xe'on jun nim laj tinimit, is xkuk'aj kib' chrij taq kalk'uwal xaq chrij taq kich'ab'al.

Gade chapit la Kopi




GÉNESIS 10:5
26 Referans Kwoze  

I Ajwal lik kuk'ut ni roywal chke. Kusachsaj ni kiwach konojel i dios pa tinimit, lik are Ire koksax ni u'ij che ronojel taq k'ijib'al, xaq kumal ni tinimit chi je o chuchi' taq mar.


Jix che ulew chi o ya chrij chwach puqajb'al ij xaq chik'ama utaqexik; chitaqa b'i jun winaq pa Cedar man lik kukoj retalil che, krilb'ej re we uk'ulmam chik ile chila


chke konojel ni'pa i ajawinelab' aj Tiro xaq je aj Sidón, xaq konojel i ajawinelab' re ni'pa i tinimit chi o chi taq uchi' i Mar Mediterráneo;


Lik kuxlan taj, mitene ukowil uk'ux kqajik, k'a kukub'a ni suk'ul laj atb'al tzij chwach ulew. Ni'pa i tinimit chi je o chi taq mar lik kkitatb'ej ni uk'utunik.


Je are rak'al kan ma Cam ile chrij kich'ab'al, kalk'uwal, kulew xaq i kitinimit.


Ile are jub'an barco chi junam ktijin kik'unik, ku' i barco chi kepe pa Tarsis chi je nab'e loq, kok'am i je ak'ojol chi naj kepe wi, chi kok'am li i an-o'oj xaq i saq-o'oj, kojb'al u'ij Awajwal, chi Lo'laj Dios ke aj Israel, chi xu'an chawe nim a'ij.


I Ajwal kuya ni chke chkijujunal chrij pacha kmajaw chke, kuya ni utojb'alil chke i ajch'oj chrij. Ni'pa ike chi ktitat kipam che kuya ni chke pacha kmajaw chke, xaq keje ni'pa je jeqel pa nimaq taq tinimit chi taq mar.


Inch'akanik naqaj chik o wi, i tonik chi kin-ano ya o chik pa b'e, ru' incho'ab' kinrajawin ni pkiwi i tinimit. Ni'pa i tinimit chi je o chi taq mar o ni kkoy-ej chwe yin, xaq kkiya ni kik'ux che incho'ab'.


Tinimit chi ix o chi taq mar, chinita na, nimaq taq tinimit chi naj ix o wi, chinitatb'ej na: I Ajwal xinusik'ij are k'amaja kinalaxik, xub'ij inb'i are k'a in o chupam uch'akul inchuch.


Ru' jun k'ak' b'ix chib'ixaj i Ajwal, ni'pa ix o li k'a naj che uchi' ulew chib'ixaj, ni'pa keb'in chwi taq mar xaq ni'pa i chikop chi je o chupam, ni'pa i nimaq taq tinimit chi je o chi taq mar xaq konojel i kiwinaq.


Ni'pa i tinimit chi je o chi taq mar lik xkilo xaq lik xeb'arb'at rumal kixib'rikil, i ulew lik xsiksat chuchi' jewa xaq k'a jela. Ya knaqajab'ik, ya kk'unik.


I nimaq taq tinimit che Ire je keje pacha jutz'uj ya, pacha jun ral uk'aj ulew chupam i pexu, ni'pa i nimaq taq tinimit chi je o chi taq mar keje ki'ij pacha jun ral seneb'.


Xaq keje prelb'al ij xaq pa taq tinimit chuchi' taq mar lik kkikoj ni u'ij i Ajwal chi ki-Dios aj Israel.


I ajawinelab' re i tinimit Tarsis xaq re ulew chi o ya chrij chwach, re i tinimit Sabá, xaq re i tinimit Seba, chkik'ama na li i sipon xaq i tojonik che ire.


I ma Heber xealax keb' rak'al: Xuya pub'i i jun a Peleg man che u'ij ire xjach ulew; i ub'i ucha', a Joctán.


I je rak'al ma Javán je are a Elisa, a Tarsis, a Quitim xaq i a Dodanim.


I je rak'al ma Cam je are iri: A Cus, a Mizraim, a Fut xaq i a Canaán.


Yin in Ajwal, kinb'ij che i tinimit Tiro: Ni'pa taq tinimit chi je o chuchi' i mar kesiksat na are kkita atzaqik, kumal i kijilawik chi je soktajnaq xaq i kikamik awinaq.


Wo'or chi at tzaqnaq chik, ni'pa taq tinimit chi je o chuchi' i mar lik kesiksat rumal kixib'rikil. Wo'or chi at sachnaq chik, ni'pa taq i ulew chi o ya chrij chwach re i mar, lik kixim kib'.


Te'uri keu'ana chik ch'oj chkij i tinimit chi je o chuchi' i mar, i k'i chke ike ketzaq ni pu'ab'; xwiri jun aj-atzil ke i achiyab' chi je yij che i ch'oj kusach ni k'ixb'alil le, man kuya ni pa k'ixb'alil i ajawinel re pa moxab'.


Je are oxib' uk'ojol ma Noé ile, chi kumal kimuq kixikin ike le xek'iyar i winaq chwach i jyub' ta'aj.


Konojel ike le je are kalk'uwal uk'ojol mam Noé kumal umuq uxikin xaq rumal kitinimit; kumal ike le xekicher b'i tinimit chwach i jyub' ta'aj chrijil chik nim laj jab'.


Are i jun, chi nim ucho'ab', xujach ulew chke i winaq, xaq chke i nimaq taq tinimit, xukoj mojon che uchi' i jalajuj taq tinimit, xaq i aj Israel xuya kan kuxtab'al chrij ni'pa kak'al olik.


I ma Asuero, chi ajawinel, xuya jun taqanik chi konojel i winaq chi je jeqel pa jalajuj taq tinimit xaq ulew chi o ya chrij chwach, kkitoj ni alkawal che.


Che i ij le i Ajwal kuk'ut chik ucho'ab' re kuyu'uj chik kixikin utinimit chi xekanaj kanoq, ku'an ni chke chi ke'el li pa Asiria, pa Egipto, pa Patros, pa Etiopía, pa Elam, pa Sinar, pa Hamat xaq ni'pa i tinimit chi je o chi taq mar.


Swiv nou:

Piblisite


Piblisite