GÉNESIS 10:22 - Wuj Pa K'ubultzij

²² I rak'al ma Sem je are a Elam, a Asur, a Arfaxad, a Lud xaq i a Aram.

GÉNESIS 10:22 Referans Kwoze

ISAÍAS 66:19

Yin kinya ni jun ilb'al re chke: Kinya ni chke keb' oxib' ke'anmaj b'ik xaq keintaq nu b'i pa nimaq taq tinimit: Pa tinimit Tarsis, pa tinimit Fut xaq pa tinimit Lud, chi lik kkiriq uk'aqik i ch'ab', che i tinimit Tubal xaq che i tinimit Javán xaq i tinimit chi naj je o wi chi taq mar, chi lik kitom ti intzijol Yin, xaq mitene kilom in-ij inchomal, ike kkitzijoj ni in-ij inchomal chkixol i nimaq taq tinimit.

Hechos 2:9

Waral je o i winaq aj Partia, aj Media, aj Elam, aj Mesopotamia, aj Judea, aj Capadocia, aj Ponto, aj Asia;

JEREMÍAS 25:25

chke konojel i ajawinelab' aj Zimri, aj Elam xaq i aj Media:

ISAÍAS 22:6

I je aj Elam xkiyijb'a i kich'ab', te'uri xe'an pa taq kareta, rij taq kaway, i je aj Kir xkesaj li tob'al kib'.

ISAÍAS 21:2

Lik xib'in ib' wach uk'utum i Dios chwe: I jun chi kuk'ayij ramiy che i ajch'oj chrij, lik kuk'ayij, i jun chi wulijsanel, lik kwulijsanik. ¡Chatwalijoq, ma Elam! ¡Ix aj Media, chixch'ojinoq! ¡Man yin lik kwesaj ni k'ax piwi!

ISAÍAS 11:11

Che i ij le i Ajwal kuk'ut chik ucho'ab' re kuyu'uj chik kixikin utinimit chi xekanaj kanoq, ku'an ni chke chi ke'el li pa Asiria, pa Egipto, pa Patros, pa Etiopía, pa Elam, pa Sinar, pa Hamat xaq ni'pa i tinimit chi je o chi taq mar.

Job 1:17

K'amaja ne kutzin i achi chub'ixkil ronojel ile, chi xupon chik urox achi chuya'ik i tziji che: —Oxib' tzob'ajil aj Caldea xeupon qu', xkikamsaj kan i wachi'il ru' kuchil xaq xkel-aj b'i konojel i kamey. Xwi yin xinch'ij anmajik chub'ixkil chawe wach taq xqak'ulmaj.

2 Reyes 15:19

ma Pul, chi ajawinel re i tinimit Asiria, xumaj ulew Israel. Are uri ma Manahem xuya wuqub' waqlajujwinaq jumo' (727) tintal saqpwaq che ma Pul, man kuyab'ej ucho'ab' rajawinik i ajawinel.

NÚMEROS 23:7

Are uri ma Balaam xutzijoj wach k-antaj na: K'a tzam taq jyub' prelb'al ij, xaq k'a pa Aram, xink'un rumal ma Balac chi ajawinel ke aj Moab: “Sa'aj wu' xub'ij, cheak'oqoj aj Israel chwe xaq chatz'onoj k'oqb'al puwi utinimit ma Jacob”; xub'ij chwe.

GÉNESIS 9:26

Xaq xub'ij chik: “Lik nim u'ij i Dios re a Sem, i umokom are ni a Cam.

Lucas 3:36

i ma Sala are uk'ojol i ma Cainán, i ma Cainán are uk'ojol i ma Arfaxad, i ma Arfaxad are uk'ojol i ma Sem, i ma Sem are uk'ojol i ma Noé, i ma Noé are uk'ojol i ma Lamec,

GÉNESIS 10:21

Xaq xealax rak'al ma Sem, chi ratz ma Jafet; ma Sem le are katit kimam konojel i je rak'al ma Heber.

GÉNESIS 11:10

Iri are u'anoj ma Sem: Keb' junab' chik rik'awik i nim laj jab', are o jo'winaq (100) junab' che, are uri xuk'uwalij a Arfaxad.

NÚMEROS 24:22

iwachoch le kk'at ni rumal i a' are kixchaptaj b'i kumal aj Asiria re kixkik'am b'i prexil.

Ezequiel 32:24

Chila o wi Elam junam ku' uwinaq chi je yij che i ch'oj kisutim rij i jul re muqb'al. Konojel ike le xekam pa ch'oj, winaq chi kkikoj ti u'ij i Dios xetzaq chwach i jyub' ta'aj chuxe' ulew. Xekikoj il ni'pa k'a je k'aslik, xwiri wo'or lik nti chik ki'ij chkixol ni'pa xeqaj pa jul re muqb'al.

Daniel 8:2

Are kintijin chrilik pinwach, kinna taq yin chi in o pa tinimit Susa, re i ulew Elam, chuchi' i raqana Ulai.