ÉXODO 8:24 - Wuj Pa K'ubultzij

²⁴ I Ajwal keje ile xu'ano, xek'un k'iyal taq iskatz, xe'ok b'i pa nim laj rachoch i ajawinel ma faraón, pa taq kachoch i rajpatan xaq chwach ronojel ulew Egipto. Lik xnoj uwach ulew kumal i iskatz, rumali lik nim i yob'il xkikoj chke i winaq.

ÉXODO 8:24 Referans Kwoze

Salmos 105:31

Xch'aw i Dios, are uri xek'un jub'an iskatz xaq jub'an xan chi xkinojsaj uwach ronojel i tinimit.

Salmos 78:45

Xutaq b'i k'iyal taq iskatz chkixol re worb'al pkiqul, xaq k'iyal taq ixtutz' re chupb'al uwach i ulew.

ÉXODO 8:21

man we kaya ti chke inwinaq ke'e chukojik in-ij, kintaq na li k'iyal taq iskatz chawij yet, chkij awajpatan, chkij awinaq, xaq pa taq awachoch. Ronojel ni'pa kachoch aj Egipto lik knoj ni che iskatz, xaq keje uwach taq ulew.

ÉXODO 8:23

Lik junwi ni kilik inwinaq Yin kin-ano chwach kilik awinaq yet; ronojel ile chweq k-antaj na.”

ÉXODO 8:4

Xwi ta la ile xaq ke'an ni chawij yet, chkij awajpatan xaq ke'an ni chkij konojel awinaq. Keje ile kab'ij che, xcha i Dios che ma Moisés.”

ÉXODO 8:14

Are uri i winaq xe'ok chut'ub'axik kichi' ixtutz' kamnaq. I kichuyil lik xunojsaj b'i uwach ronojel ulew Egipto.