ÉXODO 4:18 - Wuj Pa K'ubultzij

¹⁸ Are uri ma Moisés x-e chik chi rachoch uqajaw uji' chi ma Jetro, are xuponik xub'ij che: —Ta, wo'or lik rajwaxik kin-e chik pa Egipto ipa je o wi aj Israel, kewila wach ki'anom we k'a je k'aslik. I ma Jetro xub'ij che: —Utzi', jat, chawila awib' —xcha.

ÉXODO 4:18 Referans Kwoze

ÉXODO 3:1

O jun ij are ktijin ma Moisés chkiyu'uxik uchij uqajaw uji', chi ma Jetro ajsujul sipon chwach i tiox re i tinimit Madián, i ma Moisés le xeuk'am b'i chij k'a ch'aqap che i tz'inilik jyub' chaqij; xupon k'a pa Horeb chi are i jyub' re i Dios.

1 Timotéo 6:1

Ni'pa i winaq chi je o pa k'ax pki'ab' i rajaw kichak, lik rajwaxik chkikojo ki'ij i rajaw kichak. O uchak keje kki'an ni ile, man i winaq k'ax ti kech'aw uri chrij i Dios, xaq k'ax ti kech'aw chrij wach taq i kojtijin yoj chuk'utik.

Hechos 16:36

Are uri i chajinel xub'ij che ma Pablo: —I je atol tzij xkiya i taqanik chwe chi kixwo'taj b'ik; rumali chi utz kix-e ru' jun chomb'al ib'.

Hechos 15:36

X-on panoq, i ma Pablo xub'ij che ma Bernabé: —Rajwaxik koj-e chik chkisolixik i qachalal chwach i Cristo pa taq tinimit ipa qab'im wi kan utzij i Ajwal, ilb'al re wach ki'anom —xcha.

Lucas 7:50

I Jesús xub'ij che i ixoq: —I ukub'ib'al ak'ux at resam chik chupam amak. Jat chi awachoch, matk'achir chik —xcha che.

1 Samuel 1:17

Are uri ma Elí xub'ij che: —Jat chi awachoch matk'achir chik, i ki-Dios aj Israel chuya ni chawe wach xatz'onoj che.

GÉNESIS 45:3

Ire xub'ij chke i ratz: —Yin in a José, ¿Wach u'onom inqajaw? ¿K'a k'aslik? Xwiri ike lik xe'ok il, xkiriq ti chik wach xkib'ij che.

ÉXODO 2:21

I a Moisés xraj jeqelem chila chi rachoch i mam le; i mam le xuya umi'al che a Moisés re rixoqil, chi al Séfora ub'i.

2 Reyes 5:19

Ma Eliseo xub'ij che: —Jat, lik matk'achirik. Are uri ma Naamán xel chila che i k'ijib'al le, are naj chik jub'i' o wi,

Jueces 18:6

Are uri i ajsujul sipon le xub'ij chke: —Jix, mixk'achirik man i Ajwal kixuchajij na xaipa kix-e wi.

2 Reyes 5:10

Xwiri ma Eliseo xutaq b'i jun ajb'il tzij chub'ixkil i tziji che ma Naamán: “Jat, chach'aja ach'akul wuqmul chila chupam i raqana Jordán, man keje ile kkuntaj ach'akul che i yob'il che tz'umalil chi o chawe le.”