ÉXODO 38:30 - Wuj Pa K'ubultzij

³⁰ ronojel ile xoksax pukub'ib'al i okb'al b'ik che i ja re riqb'al ib' ru' i Dios, xaq are xki'anb'ej i sujb'al sipon re i porb'al, junam ru' k'ark'ar ch'ich' xaq ni'pa i kajwax che;

ÉXODO 38:30 Referans Kwoze

ÉXODO 26:37

Kayijb'a jo'ob' aqan re i ja re i molb'al ib' chi are i che' suj, kakoj an-o'oj chrij xaq i chapb'al re i kortin lik an-o'oj; xaq i jo'ob' aqan le kakoj jo'ob' ukub'ib'al chuxe' chi anch'ich'. Keje ile xub'ij i Dios che ma Moisés.

ÉXODO 27:17

Ronojel i aqan chi kakoj chrij chwach i uwaja, rajwaxik chi lik saq-o'oj i retz'b'alil; xaq i ko'kaq ch'ich' rajwaxik chi lik saq-o'oj xaq i ukub'ib'al rajwaxik chi lik anch'ich'.

ÉXODO 27:10

Kakoj juwinaq (20) aqan che xaq juwinaq (20) ukub'ib'al chi lik anch'ich', ni'pa i ko'kaq ch'ich' xaq i retz'b'alil rajwaxik chi lik re saq-o'oj.

ÉXODO 27:4

Cha'ana jun k'ark'ar ch'ich' re anch'ich', xaq cha'ana kajib' sotsaq ch'ich' anch'ich' re i kajib' uch'uk.

ÉXODO 38:29

Lajuj kawinaq (50) tintal anch'ich' xmoltajik chi xkiya'o re kisipon;

ÉXODO 38:31

xaq xkikoj che i ukub'ib'al xaq che i estaka chi ch'uqb'al uwi i ja re riqb'al ib' ru' i Dios, xaq xkikoj che ukub'ib'al i uchija re i uwaja.

ÉXODO 27:2

Xaq kayijb'a kajib' rok'a' puwi pa taq uch'uk; lik krok'aj b'i rib' ru' i porb'al sipon ka'an che, xaq kakoj anch'ich' chrij ronojel i porb'al sipon le.