ÉXODO 38:26 - Wuj Pa K'ubultzij

²⁶ Konojel ni'pa o chik juwinaq junab' (20) chke je lajuj wuqlajujwinaq wajxaqmo' jo'lajujchiy oxt'ub' (603,550) xaq konojel xkiya jo'ob' saq-o'oj chrij pacha i pajb'al re i lo'laj k'ijib'al re i Dios.

ÉXODO 38:26 Referans Kwoze

NÚMEROS 1:46

i kik'iyal i winaq xe'eloq konojel, je lajuj wuqlajujwinaq wajxaqmo' jo'lajujchiy oxt'ub' (603,550)

ÉXODO 30:13

Chkijujunal ni'pa ke'ajlaxik, rajwaxik chi kkiya nik'aj ons saqpwaq chinwach Yin, chi in Ajwal, chrij pacha i pajb'al re i ja re molb'al ib'.

ÉXODO 12:37

I aj Israel xe'el chila che ulew Ramesés, xe'e pusuk' b'i ulew Sucot. Kolo jo'lajujchiy oxt'ub' (600,000) achiyab' xeb'in ku' chaqan chi lik je utz re i ch'oj, je ajlam ti uri ixoqib' xaq ak'alab'.

Mateo 17:24

I Jesús ku' utijoxelab', are xeupon pa tinimit Capernaum, o jujun ajtz'onol alkawal xeupon ru' i ma Pedro. Ketijin chutz'onoxik alkawal re i rachoch i Dios. Xkib'ij che i ma Pedro: —Itijonel yix ¿Xatab'a kutoj ti alkawal re i rachoch i Dios? —Xecha.

ÉXODO 30:12

Are keawajlaj konojel aj Israel, rajwaxik chi chkijujunal kkiya ni jun sipon chinwach Yin chi in Ajwal, tob'al re kik'aslemal, man keje ile nti jun k'ax laj yob'il kpe pkiwi xaq kekam taj are ktijin kajlaxik.

ÉXODO 38:27

Waqib' oxwinaq (66) tintal saq-o'oj man xyayursaxik re xoksax pukub'ib'al i lo'laj k'ijib'al re i Dios, chi xaq ipa xkub'i wi aqan re i kortin. I jujun ukub'ib'al le xoksax waqib' oxwinaq (66) ral taq k'ox saq-o'oj che.

NÚMEROS 1:2

Cheiwajlaj konojel aj Israel pa taq tzob'ajil xaq pa taq alk'uwalil man keje ile ketamaxik wach kib'i xaq ketamaxik je ni'pa achiyab' konojel.

NÚMEROS 1:3

Chab'ij che ma Aarón chi katuto chkajlaxik xaq chutz'ib'axik kib'i konojel i achiyab', chi o chik juwinaq junab' chke chi je yij che i ch'oj.

NÚMEROS 2:32

I ajlanik chi x-an chke konojel i alk'uwalil aj Israel, xe'eloq chi je o lajuj wuqlajujwinaq wajxaqmo' jo'lajujchiy oxt'ub' (603,550) achiyab' chi je yij che i ch'oj.

NÚMEROS 26:2

“Cheiwajlaj konojel aj Israel pa taq alk'uwalil, chi o chik juwinaq junab' chke, chi je utz chik re i ch'oj.”

NÚMEROS 26:51

Chrij pacha i ajlanik ronojel chi x-anik, je lajuj waqwinaq kajmo' jo'lajujchiy oxt'ub' (601, 730) achiyab' aj Israel konojel chi xtz'ib'ax kib'i.