ÉXODO 38:20 - Wuj Pa K'ubultzij

²⁰ Ronojel i estaka chi re chapb'al k'ul re i ja re riqb'al ib' ru' i Dios xaq i chapb'al k'ul chi sutinnaq chrij i uwaja lik anch'ich'.

ÉXODO 38:20 Referans Kwoze

Colosenses 2:19

Keje ile ketijin chu'anik, man kiya'om ti kiwach ru' i Cristo. Man lik are ire qajolom yoj; rumal ire ktijin qatz'aqatik yoj chi oj uch'akul. Rumal ire xaqjun qawach, pacha kraj i Dios, ke'eloq pacha jun ch'akulaj, chi lik utz uk'itsaxik, lik uchapom rib' ru' ronojel i kchapawik, chrij pacha uch'ob'onik i Dios.

ISAÍAS 33:20

Chawila i tinimit Sion, chi are i tinimit re qanima'ij, chaya ab'a'wach chutaqexik i tinimit Jerusalén, chi are jun tinimit nti xib'in ib' che, keje na pacha jun k'ijib'al chi lik jikilik, chi keb'oqtaj tu b'i estaka xaq ket'uqkrij ti i laso.

ISAÍAS 22:23

Ire are ni pacha jun kub'ib'al chi o u'ij chke i ralk'uwal uqajaw. Yin kin-an ni che chi lik kjeqi puk'ijib'al, pacha jun klawux.

ECLESIASTÉS 12:11

I kitzij i o kino'oj, lik keje pacha taq i ch'ut, are moltal chik uchi' xaq lik keje pacha staka chi lik utz utikik antal rumal jun ajyu'ul chij.

Esdras 9:8

Xwiri wo'or Qajwal Dios, ru' rutzil ak'ux a'anom chi jutzob'aj chqe yoj xeo'taxik xaq kya' chqe chi kqayak qachoch chila pa lo'laj ulew, aya'om k'ak' tzunb'al chqawach, xaq aya'om jub'i' kikotemal pqak'ux man antal mokom chqe chi oj o pu'ab' qajaw.

SEGUNDO LIBRO DE CR%D3NICAS 3:9

I ralil jujun klawux o jub'i' uwi che jun pexu. Xaq xukoj rutzil an-o'oj chupam i keb' oxib' taq tasaj chi je o k'a puwi loq.

ÉXODO 27:19

Ronojel ni'pa i rajwaxik pa ja re riqb'al ib' wu' chi lik is jalajuj uchak, ronojel i estaka rajwaxik chi lik anch'ich'.

ÉXODO 38:19

kajib' aqan xkikoj che xaq kajib' ukub'ib'al lik anch'ich'. I ko'kaq ch'ich', sotsaq ch'ich', lik saq-o'oj xaq i uwi i aqan le xkikoj saq-o'oj chrij.

ÉXODO 38:21

Are i taqanik iri xuya i ma Moisés xaq i ma Itamar chi rak'al i ma Aarón chi ajsujul sipon, xub'ij chke i aj Leví chi kkajlaj ni'pa i ch'ich' chi xoksax che i ja re riqb'al ib' ru' i Dios.