ÉXODO 37:9 - Wuj Pa K'ubultzij

⁹ Lik kkitzub'ala kib', xwiri ketaqen puwi i ch'uqb'al uwi i kaxa i kixik' kiripom b'i puwi i ch'uqb'al uwi, ru' ile kkich'uq ronojel uwi.

ÉXODO 37:9 Referans Kwoze

1 Pédro 1:12

Xwiri i Dios xub'ij chke chi ike kkil tu b'i uk'unik, are ni yix kiwilo, man lik iwe ni yix. Man wo'or lik xb'ix i utz laj tzij k'ak' chiwe, ru' i Lo'laj Utewal i Dios chi taqtal li chikaj. Iri are i b'iroxik chi i ángel lik kkaj neri kketamaj usuk'.

Hebreos 1:14

Konojel i ángel lik je tewalil, xaq je rajchak i Dios; je taqtal chkito'ik i winaq chi lik ketotaj ni rumal i Dios.

1 Timotéo 3:16

Qatzij, lik nim i saq laj tzij le chi uk'utum i Dios chqe chi aljinsam ti ujer, uk'utum iri chqe: I Cristo xk'un chi pacha winaq, xaq ni'pa i xu'ano, ni'pa i xub'ij, lik suk'ulik; I Lo'laj Tewal lik xusaqij chi nti umak. Xaq x-iltaj kumal i ángel. Xpaxsax ni utzijol ire chke i nimaq taq tinimit chi keta'am ti te'eq uwach i Dios. Ronojel i uwach i jyub' ta'aj o i kikub'am kik'ux che. Xaq x-on panoq, xk'am b'i chila pa chom laj k'ijib'al chikaj.

Filipenses 3:8

Xwi ta la ile, xaq ronojel ni'pa i olik nti chik uchak chwe; xwi i retamaxik i Jesucristo chi Wajwal, are ile kuriq uchak chwe. Ronojel ni'pa i olik xinkanaj kanoq rumal i Cristo, pacha tz'il xin-an che, lik xink'aq kanoq xa rumal uriqik i Cristo,

Efesios 3:10

Kraj i Dios chi qumal yoj oj jutzob'aj re ire, k-aljinsax ni uwach ni'pa uk'iyal unojb'al Ire. Wo'or ni'pa i je tewalil chi nimaq kipatan, nimaq kicho'ab' je aj chikaj, kkil na wach i nim laj unojb'al Ire.

2 Corintios 3:18

Qonojel yoj ch'uqtal ti chik qapalaj; oj keje chik pacha jun ilb'al ib', chi k-aljin uchomal i Ajwal chqe; kok'ilal kojjalwachixik k'a kojmajaw na pacha i Ajwal. Ile k-ani chqe rumal Utewal i Ajwal.

Juan 1:51

Xaq xub'ij chik i Jesús chke: —Lik kinsaqij chiwe chi kiwil ni i kaj jaqalik xaq i ángel re i Dios chi ke'el b'ik xaq keqaj li puwi i pacha Winaq chi Xolalaxoq chwach Ulew —xcha.

ISAÍAS 6:2

Jub'an serafín je o puwi i Ajwal. Chkijujunal o waqib' kixik'. Ru' keb' kixik' kkich'uqb'ej kipalaj, ru' keb' chik kkich'uqb'ej kich'akul ikem, xaq ru' keb' chik kerupupik.

ÉXODO 25:20

I querubín le kiripom kixik' puwi i ch'uqb'al uwi i kaxa, xaq kkitzub'ala kib', xwiri puwi i ch'uqb'al le ketaqen wi.

GÉNESIS 28:12

Are uri xu'an jun achik' che a'ab' le, xrachik'aj chi o jun yoch tak'al chwach ulew, i uwi uponnaq k'a chikaj. I ángel ke'el b'ik xaq keqaj li che i yoch le,

GÉNESIS 3:24

Are xe'elsax b'i i winaq le, i Dios xeukoj jub'an querubín prelb'al ij che i tikonb'al Edén, xaq xukoj jun ch'ich' chi k'ulala o uware chi ktoqow a' che, chi k'ulala k-ek, tz'apb'al re i b'e chi k-e ru' i che' re i k'aslemal.

ÉXODO 37:8

I ch'uqb'al uwi i kaxa xaq i je querubín le xaqjun kya' wi, jujun k-e pa taq utzal.

ÉXODO 37:10

I ma Bezaleel xu'an jun mexa, che' suj xukoj che, nik'aj xik'ab' raqan xuya che, keb' ripaj ab'aj uwach, oxib' ripaj ab'aj unajtil rij.

1 Reyes 6:27

Are uri ma Salomón xeuya chila che i lik Lo'laj K'ijib'al re i Dios. I querubín le lik kripipem kixik', i uxik' jun querubín kuyin pan jub'i' uwach xan xaq i uxik' i jun chik querubín kuyin pan jub'i' jun chik uwach xan. I keb' chik kixik' kkiriq kib' pa nik'aj che i lik Lo'laj K'ijib'al re i Dios.