ÉXODO 35:3 - Wuj Pa K'ubultzij

³ Xa'ipa ix o wi lik mijun kunuk' a' prachoch che i ij sábado.”

ÉXODO 35:3 Referans Kwoze

ÉXODO 16:23

Are uri ma Moisés xub'ij chke: —Keje ile ub'im i Ajwal, man chweq sábado, i ij le lik elsam re ukojik u'ij i Ajwal, rumali chicha'saj kanoq ni'pa i cha'saxik re, xaq chipo'owsaj kanoq ni'pa i po'owsaxik re, i kk'is taj chik'olo kanoq re chweq. Keje ile xub'ij ma Moisés chke.

ÉXODO 12:16

Ki'an jun lo'laj moloj ib' che i nab'e ij xaqjun pacha i wuqub' ij, che ronojel i wuqub' ij le lik nti jun chak k-anik, xwi kiyijb'a iwa chi re kitijo. Xwi ile chi'ana.

ISAÍAS 58:13

“Chaya u'ij i ij sábado, matk'ayinik xaq matlo'on che i lo'laj in-ij. Cha'ana che i ij le chi are jun ij re i kikotemal, pacha jun ij chi elsam che i Ajwal chi xaq kmajaw che chi kya' u'ij, chaya u'ij, ma'an taq i rajwaxik awe yet, xaq mitene katzukuj wach kawaj xaq katok taq chutayik rajil.

ÉXODO 20:9

Waqib' ij katchakun na xaq ka'an ni ronojel ni'pa i rajwaxik chawe.

ÉXODO 23:12

Che i waqib' ij cha'ana ronojel ni'pa i rajwaxik, xwiri che uwuq ij katuxlan na man xaq ke'uxlan ni ab'oyex xaq i a'axna, man xaq kkik'am chik kicho'ab', awinaq chi je o pa k'ax xaq i je aj naj.

ÉXODO 31:15

Waqib' ij kixchakun na xwiri are kuriqa i wuqub' ij kixuxlan na, man i ij le lik are jun ij chi xin-ul Yin re kojb'al in-ij. Jun winaq we kchakun che i ij sábado le saq laj tzij lik kkam na.

ÉXODO 35:4

I ma Moisés xub'ij chke konojel aj Israel: Iri are kixutaq i Ajwal chu'anik:

LEVÍTICO 23:3

Waqib' ij kixchakunik, xwiri che uwuq ij mijun chak ki'ano, man lik are ni jun ij ile re uxlanb'al ij xaq ki'an ni jun lo'laj moloj ib'. Nti k-ono xaipa ix o wi, i ij le lik re ni kojb'al u'ij i Ajwal.