ÉXODO 34:22 - Wuj Pa K'ubultzij

²² Pa k'isb'al junab' chi'ana i nima'ij re i jalajuj taq molonik, ru' nab'e uwach i jalajuj taq tikon.

ÉXODO 34:22 Referans Kwoze

ÉXODO 23:16

I nima'ij re i molonik k-ani na are k-an i nab'e molonik. Xaq keje ile k-ani che i nima'ij re i molonik pa taq k'isb'al junab' are kutzin i molonik ronojel.

Juan 7:2

Xwiri ya knaqajab' i nima'ij re i ral taq mujb'al re es chi are jun nima'ij ke aj Judío.

Hechos 2:1

Are xuriq i ij re i nima'ij chi Pentecostés ub'i, konojel i winaq chi je kojonnaq che utzij i Jesús, kimolom kib' che jun k'ijib'al.

ÉXODO 23:14

Oxmul che jun junab' ka'an i nima'ij kojb'al re in-ij Yin.

LEVÍTICO 2:12

Utz we kak'am b'i uwa'al kab' xaq i kunb'al chi re kwalijsaw i wa, ile are pacha nab'e taq uwach atikon re asipon chwach i Ajwal, xwiri kiporoj taj pacha ki'an che i sipon chi kporoxik re umuyal uk'ok'al.

NÚMEROS 29:1

Che i nab'e ij re uwuq ik' yix ki'an ni jun lo'laj moloj ib'; che i ij le mijun kchakunik man i ij le are u'ijlal uxut'ixik trompeta.

Deuteronomio 16:9

Are kik'aw i wuqub' seman chi xjeqan b'i che i ij are xjeqan i molonik re i trigo,

SEGUNDO LIBRO DE CR%D3NICAS 8:13

I sipon le ksujux che taq i ij chrij pacha kub'ij u'atb'al tzij ma Moisés, ke'eloq chi are i ij sábado, nima'ij re ik' are muqulik xaq i oxib' nima'ij re i junab' chi are iri: I nima'ij re tijb'al i wa re trigo chi nti kunb'al ru', i nima'ij re i jalajuj taq seman xaq i nima'ij ke mujb'al re es chi wuqub' ij kuch'ijo.

LEVÍTICO 23:15

Are kel jun ij rik'awik i ij sábado, chi are xsujux i nab'e yotaj trigo, chwach i Ajwal, kijeq b'i rajlaxik wuqub' seman,

LEVÍTICO 23:34

Chab'ij i tziji chke aj Israel: Che jo'lajuj ij re uwuq ik', xaq che ronojel i wuqub' ij le k-ani ni nima'ij re i mujb'al re es, re kojb'al u'ij i Ajwal.