ÉXODO 34:21 - Wuj Pa K'ubultzij

²¹ Uwaq ij kixchakunik, xwiri che i uwuq ij kixuxlan na. Xaq keje ki'an che u'ijlal i molonik xaq i tikanik chi kixuxlan ni che uwuq ij.

ÉXODO 34:21 Referans Kwoze

ÉXODO 23:12

Che i waqib' ij cha'ana ronojel ni'pa i rajwaxik, xwiri che uwuq ij katuxlan na man xaq ke'uxlan ni ab'oyex xaq i a'axna, man xaq kkik'am chik kicho'ab', awinaq chi je o pa k'ax xaq i je aj naj.

Lucas 13:14

Are uri i aj-atzil re i ja re molb'al ib' ke i judío xpe roywal che i Jesús man xrutzirsaj i ixoq che i ij sábado. Xub'ij chke i winaq: —O waqib' ij che i seman re i chak. Che i waqib' ij le, we kiwaj kixk'unik re kiwutzirsaj iwib'. Xwiri mi'an ile che i ij sábado —xub'ij chke.

1 Samuel 8:12

Jub'an chik ku'an ni chke chi keuya pa kaj-atzil i lajujwinaq kamo' (1,000) achiyab' chi je yij che i ch'oj, jub'an chik ku'an ni chke chi keuya pa kaj-atzil lajuj kawinaq (50) achiyab' chi je yij che i ch'oj. Jujun chiwe yix kixutaq ni chutukik uwach rulew xaq kimol uwach utikon; jub'an chik keutaq ni chu'anik i jalajuj taq anb'al ch'oj xaq i jalajuj taq anb'al ch'oj chi kok che i ch'ich' re b'inb'al.

Deuteronomio 21:4

Te'uri kkik'am b'i che jun ta'aj chi antal ti chak chwach chi xaq o chuchi' jun raqana chi lik ktzaj taj, chila uri kkiwor wi puqul i b'akil le.

ÉXODO 35:2

Waqib' ij kixchakunik, xwiri are kuriqa i uwuq ij kixuxlan na, man lik are jun ij ile chi xin-ulu re kojb'al in-ij Yin. Jun winaq we kchakun che i ij le, saq laj tzij lik kkam na.

Lucas 23:56

Te'uri xetzalij b'i chi kachoch xaq xkiyijb'a i kunb'al muy, xaq i aceite ke i kamnaq. Are xjeqan i ij sábado, xe'uxlanik pacha kub'ij i ujer tzij pixab'.

ISAÍAS 30:24

Konojel ni'pa ab'oyexab' xaq i a'axna chi kechakun chwach awulew, lik jel laj taq es na kkitijo.

GÉNESIS 45:6

Man keb' junab' iri chi o chik wa'jal chwach i jyub' ta'aji, xwi ta la ile k'a o chik jo'ob' junab' chi lik nti tikanik xaq nti molonik.

ÉXODO 31:15

Waqib' ij kixchakun na xwiri are kuriqa i wuqub' ij kixuxlan na, man i ij le lik are jun ij chi xin-ul Yin re kojb'al in-ij. Jun winaq we kchakun che i ij sábado le saq laj tzij lik kkam na.

LEVÍTICO 23:3

Waqib' ij kixchakunik, xwiri che uwuq ij mijun chak ki'ano, man lik are ni jun ij ile re uxlanb'al ij xaq ki'an ni jun lo'laj moloj ib'. Nti k-ono xaipa ix o wi, i ij le lik re ni kojb'al u'ij i Ajwal.

NEHEMÍAS 13:15

Che taq i ij le, xwil chila pa Judá chi je o jujun chi kkiyitz' uva anb'al uwa'al uva muqb'am ru' kaqan che i ij sábado, kkikrej i trigo pa taq yotaj, kkiya b'i uwa'al uva muqb'am, ch'uyaj uva, higo xaq ronojel jalajuj taq eqan chkij i axna, che i ij sábado kkik'am b'i pa Jerusalén. Are uri xeinyajo man kkik'ayij i jalajuj taq k'ayij che i ij sábado.