ÉXODO 34:20 - Wuj Pa K'ubultzij

²⁰ I nab'e ral ma chke i rak'al jun axna chi kalaxik, ktotaj ni rumal jun chij, xwiri we nti uk'exel k-oqix ni uri uqul. Konojel i nab'e taq alab'om, ketotaj ni rumal jun chij, konojel kkik'am nu b'i kisipon, mijun chke kupon taq chinwach we nti rok'am b'i pu'ab'.

ÉXODO 34:20 Referans Kwoze

Deuteronomio 16:16

Konojel alab'om rajwaxik chi oxmul che jun junab' keupon ni chwach i Kajwal Dios, che i k'ijib'al chi ku'ul Ire, che taq i nima'iji: Nima'ij re i wa re trigo chi nti kunb'al ru', nima'ij re i Seman xaq i nima'ij ke i mujb'al re es; lik nti jun winaq chi to' keje ile kuponik chi nti kuk'am b'i chwach i Ajwal.

ÉXODO 23:15

I nima'ij re i wa re trigo chi nti kunb'al ru', ki'an ni che i ik' Abib, man are i ik' ile ch'iktalik xaq are ik' ile chi xixel li pa Egipto; chrij pacha inb'im chiwe chi wuqub' ij kitij i wa re trigo chi nti kunb'al ru'. Mijun kpe chwilik we nti jun sipon kuk'am loq.

ÉXODO 13:13

I nab'e rak'al jun axna ktotaj ni rumal jun chij chi kya' puk'exel, xwiri we nti uk'exel kya'ik, k-oqix ni uri uqul. Xaq rajwaxik chi kya' jun sipon re kitotajik chkijujunal i nab'e taq iwak'al.

NÚMEROS 18:15

Konojel i nab'e taq kak'al aj Israel xaq i nab'e taq kak'al kichikop chi kkijach chwe awe yet na. Xwiri i nab'e taq kak'al aj Israel xaq i nab'e taq kak'al kichikop chi je ch'am taj, katz'onoj ni jun tojb'al re chke elsab'al b'i ke.

ÉXODO 13:15

I ma faraón are xuya ti chqe xojpetik, i Ajwal xeukamsaj konojel i nab'e taq kak'al aj Egipto, winaq xaq i chikop; rumali wo'or i nab'e taq kak'al i qachikop chi je mama'ib' kealaxik, keqasujuj chwach i Ajwal xaq kqaya jun qasipon pkik'exel i nab'e taq qak'al chi je alab'om.

2 Samuel 24:24

Xwiri i ajawinel xub'ij che: —Kintioxij chawe, xwiri yin lik kinlo' ni ronojel chawe xaq lik kintoj ni rajil chi kmajawik; man nti kinya pinsipon che Wajwal Dios we lik inlo'om taj. Keje uri ile chi ma David xulo' i k'ijib'al le xaq xeulo' i torib' ru' lajuj kawinaq (50) saqpwaq,

ÉXODO 13:10

Rumali junab' junab' ki'an i nima'ij le, che taq i ij chi ch'iktalik.”

ÉXODO 22:29

Matb'aytaj chuk'amik li nab'e taq uwach atikon chwe, xaq ronojel uwa'al uva muqb'am chi o awu'. Xaq i nab'e taq iwak'al lik kiya ni chwe Yin.

ÉXODO 13:12

Iwonojel kijach ni i nab'e taq iwak'al alab'om pu'ab' i Ajwal, xaq konojel i nab'e taq mama'ib' chke ichikop man konojel ile lik je re i Ajwal.