ÉXODO 34:18 - Wuj Pa K'ubultzij

¹⁸ Chi'ana i nima'ij re i wa re trigo chi nti kunb'al ru', wuqub' ij kitij ni wa re trigo le, chrij pacha ix intaqom che. Chi'ana i nima'ij le che i ik' Abib man che i ik' le xixel li pa Egipto.

ÉXODO 34:18 Referans Kwoze

LEVÍTICO 23:6

Chukab' ij chi are i jo'lajuj ij re i ik' le, kijeq i nima'ij re i wa re trigo chi nti kunb'al ru' kojb'al re in ij Yin chi in Ajwal. Wuqub' ij ktijaw ni wa re trigo chi nti kunb'al ru'.

ÉXODO 13:4

Yix kixel b'i pa Egipto che i iji re i ik' Abib.

Hechos 12:3

i ma Herodes, are xrilo chi utz xkil aj Judío, are uri xutaq chik uchapik ma Pedro. Ile xuk'ulmaj che taq i ij re i nima'ij chi ktijaw i wa re trigo chi nti kunb'al ru'.

Lucas 22:1

Are ya xnaqajab' i nima'ij Pascua, chi ktijaw i wa re trigo chi nti kunb'al ru'.

Marcos 14:1

Keb' ij chuxe'el i nima'ij Pascua, are ktijaw i wa re trigo chi nti kunb'al ru' re kuwalijsaj upam. Are uri i kaj-atzil i rajpatan i Dios xaq i tijonelab' re i atb'al tzij kkitzukuj wach uchapik i Jesús kki'ano ru' jun t'oronik kamsab'al re.

ÉXODO 23:15

I nima'ij re i wa re trigo chi nti kunb'al ru', ki'an ni che i ik' Abib, man are i ik' ile ch'iktalik xaq are ik' ile chi xixel li pa Egipto; chrij pacha inb'im chiwe chi wuqub' ij kitij i wa re trigo chi nti kunb'al ru'. Mijun kpe chwilik we nti jun sipon kuk'am loq.

ÉXODO 12:2

I ik'i are jun ik' chi lik o u'ij chiwach yix, man are i nab'e ik' re i junab' chiwe yix.

ÉXODO 12:42

Che a'ab' le i Ajwal lik xeuchajij aj Israel rumal i kelik loq chila pa Egipto. Rumal uri konojel kilemajil aj Israel lik junab', junab' kek'ask'at ni che a'ab' le, man are a'ab' ile re kojb'al u'ij i Ajwal.

NÚMEROS 28:16

Che i ij kajlajuj re i nab'e ik' k-ani ni nima'ij re i Pascua re kojb'al re in-ij, chi are i nima'ij Pascua.

NÚMEROS 28:17

Che i ij jo'lajuj re i nab'e ik' le, k-ani i nima'ij re i wa re trigo chi nti kunb'al ru', lik wuqub' ij ktijaw i wa re trigo le chi nti kunb'al ru'.

ÉXODO 13:3

Are uri i ma Moisés xub'ij chke i winaq: “Chk'un i iji chik'ux are xixel li ru' nim laj ucho'ab' i Ajwal chila pa tinimit Egipto, chi xaq ipa antal wi te'eq winaq chiwe chi ix o te pa k'ax rumal rajaw ichak. Are ki'an i nima'ij le mitij i wa re trigo chi o kunb'al ru'.

ÉXODO 23:14

Oxmul che jun junab' ka'an i nima'ij kojb'al re in-ij Yin.