ÉXODO 33:6 - Wuj Pa K'ubultzij

⁶ Rumali i je aj Israel chila che i jyub' Horeb xkimayij wi ukojik i b'aq re uwi ki'ab', sotsaq re uqul ki'ab', karit, kuwaj xaq i pacha b'aq chi kkiwoyb'a pkitzam.

ÉXODO 33:6 Referans Kwoze

ÉXODO 33:4

I je aj Israel are xkita ile chi lik ko kichapik x-anik, xkijeq o'ej, mijun xukoj chik ub'aq re uwi u'ab', rarit, xaq i uwaj,

JEREMÍAS 2:19

Lik are amak kyaw utojb'alil chawe, are i suk'ul ti laj ak'ux katukamsaj na. Chach'ob'o ub'e man keje ile kawil uri wach i utz taj chi xa'ano chi xinawo'taj kanoq xaq xakoj ti in-ij Yin, chi in Awajwal Dios. Yin in Ajwal, chi ronojel kintiki che, xinb'iw ile.

ÉXODO 32:3

Konojel ixoqib' aj Israel xkesaj i karit chi kikojom che kixikin chi lik an-o'oj, xkik'am b'i che ma Aarón,

ÉXODO 3:1

O jun ij are ktijin ma Moisés chkiyu'uxik uchij uqajaw uji', chi ma Jetro ajsujul sipon chwach i tiox re i tinimit Madián, i ma Moisés le xeuk'am b'i chij k'a ch'aqap che i tz'inilik jyub' chaqij; xupon k'a pa Horeb chi are i jyub' re i Dios.

ÉXODO 33:5

man i Ajwal ub'im che ma Moisés: —Chab'ij chke aj Israel chi “lik je chikop laj taq winaq, man we kink'iji jub'i' ku' su' kink'is neri uchupik kiwach, chab'ij chke chi chkesaj i b'aq re uwi ki'ab', karit xaq i kuwaj man Yin la kwilo wach kin-an chke i winaq le.”

ÉXODO 33:7

I ma Moisés xutor b'i ja re k'ul xuyijb'a chik k'a naj panoq che i k'ijib'al ipa je o wi aj Israel. Xuya pub'i: Ja re riqb'al ib' ru' i Dios. We o jun kraj klapan ru' i Dios, rajwaxik kel b'i che i k'ijib'al ipa o wi, k-e uri k'a chila ipa o wi i ja re riqb'al ib' ru' i Dios.

JONÁS 3:5

I winaq pa tinimit, nimaq i ch'utiq, xkikoj i Dios, i xkib'ij chi kkimayij kiwa'im chutz'onoxik che i Dios xaq xkikoj ki'u' as k'utb'al re kib'is.