ÉXODO 33:21 - Wuj Pa K'ubultzij

²¹ I Ajwal xub'ij chik che ma Moisés: —Chawila pe', chi pintzal o jun k'ijib'al, chattak'i puwi i nim laj ab'aj.

ÉXODO 33:21 Referans Kwoze

ZACARÍAS 3:7

“Iri are kub'ij i Ajwal chi ronojel ktiki che: Chatb'in che inb'e i cha'ana ronojel ni'pa inya'om chaqul chi ka'ano. We keje ile ka'ano, katkanaj na, at aj-ok'al utzam re i wachoch. Kachajij na xaq ronojel ni'pa o chrij chwach, i Yin kinya ni jun ak'ijib'al chkixol taq i ángel ri chi kki'an kipatan wu'.

ISAÍAS 56:5

yin lik kinya ni jun b'iroxik chiwe chi lik mas utz chwach iwak'al alab'om xaq i altom, kin-an na chi ib'i lik arewi ksach ti pwachoch ronojel ij saq, chwach i nimaq taq aqan; kinya ni jun ib'i ronojel ij saq, chi lik kchup taj.

JOSUÉ 20:4

Jun winaq are kraj uto'ik rib' k-e che jun chke i tinimit le, are kupon pa okb'al che i tinimit, kub'ij chke unimaqil re i tinimit, ¿B'uchak kraj uto'ik rib' chila? Te'uri unimaqil le kkiya che kok b'ik, xaq kkiya jun uk'ijib'al ipa kk'iji wi.

Deuteronomio 5:31

xwiri yet chatkanaj ni kan chi wu', man Yin kinb'ij ni ronojel ni'pa intzij inpixab', in-atb'al tzij xaq intaqanik chawe, chi kak'ut ni chke man kkiya ni kib' chu'anik are je o chik chila chwach ulew chi kinya ni chke.

Lucas 15:1

Konojel ni'pa i je ajtz'onol alkawal re i tinimit Roma xaq jub'an chik winaq chi utz ti kik'aslemal xetejeb' ru' i Jesús kkitab'ej re utzij.

1 Reyes 19:9

Are xupon pa Horeb, xumin rib' chupam jun pek, chila xwar wi kan che a'ab' le. Xwiri chila x-ijlax rumal i Ajwal, xb'ix che: “¿Wach ka'an chi, ma Elías?”

Salmos 18:2

Yet at ajchajil we, at ink'ijib'al ipa kinto wi wib', at kirol we, at in-Dios, at pacha jun nim laj ab'aj ipa kinto wi wib', at keje pacha tob'al ib' chwach i ch'oj, Yet at nim laj cho'ab' chi kinuto, yet at nim laj k'ijib'al ipa kwuwaj wi wib'.

Salmos 18:46

¡Chk'asi ni i Ajwal, choksax ni u'ij i tol we, chnimarsax ni u'ij in-Dios chi tol we!

Salmos 27:5

Are kuriqa i ij re i k'ax, i Ajwal kuya tob'al wib' pa ja re riqb'al ib' ru'; kinuto ni chuxe' umuj, ¡Kinuya ni puwi jun ab'aj tob'al we!

Salmos 61:2

Tupu k'a pa k'isb'al rokrik re uwach i jyub' ta'aj in o wi, lik kintz'onoj chawe, man i wanima lik kutij kamik. Chinawesaj chwach i k'ax, chinak'ama b'i puwi jun nim laj ab'aj,

Salmos 62:7

Intotajik xaq uya'ik in-ij lik are i Dios kilawik wach ku'an chwe; are Ire kintowik xaq are Ire k'ijib'al ipa kinto wi wib'.