ÉXODO 32:26 - Wuj Pa K'ubultzij

²⁶ Are uri xtak'i pan pa okb'al, ipa je o wi aj Israel, xub'ij chke: —Konojel ni'pa kiya'om kiwach ru' i Ajwal chepet waral pintzali. Are uri konojel je aj Leví xe'e pan putzal ma Moisés.

ÉXODO 32:26 Referans Kwoze

Mateo 12:30

“Pachin kuya ti uwach wu', ire ajch'oj uri chwij. Xaq pachin jun kinuto ti che i molonik, ire xa kukichersaj b'ik.”

2 Reyes 9:32

Ma Jehú xtaqen pan pa wantana, xub'ij: —¿Pachin kuya uwach wu' yin? Are uri keb' oxib' i aj-atzil ke achiyab' chi je o pa nim laj rachoch i ajawinel, xkitaqej panoq.

JOSUÉ 5:13

Xuk'ulmaj che jun ij are naqaj o wi ma Josué che i tinimit Jericó, xaqte'et xrilo chi tak'al pan jun achi chwach rok'am jun ch'ich' pu'ab', are uri ma Josué xtejeb' pan ru', xutz'onoj che: —¿At qachi'il nawi o xa at kachi'il i je ajch'oj chqij? —Xcha.

2 Samuel 20:11

Are uri jun chke i achiyab' chi je yij che i ch'oj re ma Joab, xtak'i chutzal uch'akul ma Amasa xaq xub'ij: —Pachin uya'om uwach ru' ma Joab xaq ru' ma David, ch-oj uri ru' ma Joab.

ÉXODO 32:25

I ma Moisés are xrilo chi konojel i winaq lik kkita ti chik ub'e, rumal ma Aarón chi xtiki ti chki'atixik lik to' xuya chke xaqmanal xki'ano, xaq xe'eloq chi ketze'ex uri kumal ajch'oj chkij.

ÉXODO 32:27

Are uri i ma Moisés xub'ij chke: —I Ajwal chi xaq ki-Dios aj Israel kutaq u'anik iri: “Chijujunal chik'ama b'i ich'ich' pi'ab', jix pa'anem chixsutin chrij ronojel i k'ijib'al chikamsaj xapachin kik'ulaj tupu iwatz icha', iwamiy xaq tupu we je ib'esin.”

Deuteronomio 33:9

Chi xub'ij chke uqajaw uchuch: Lik wilom ti iwach, xaq xub'ij chke ratz ucha': Weta'am ti iwach, xaq xub'ij chke i rak'al: Weta'am taj ix pachinoq. Ike kki'ano pacha kub'ij atzij lik kijachom kib' che atrat.

Salmos 94:16

¿Pachin kinuto chu'anik ch'oj chkij i itzel laj taq winaq chi xaq ajkamsanel tob'al we yin?