ÉXODO 32:17 - Wuj Pa K'ubultzij

¹⁷ I ma Josué are xuta chi kesik'in i winaq, xub'ij che ma Moisés: —Kinta yin kesik'in i winaq che i ch'oj chila ipa o wi kik'ijib'al.

ÉXODO 32:17 Referans Kwoze

ÉXODO 24:13

I ma Moisés xel b'i tzam jyub' re i Dios junam ru' ma Josué chi ajchak chrij.

ÉXODO 17:9

Are uri ma Moisés xub'ij che ma Josué: —Cha'ulu b'i jujun chke achiyab', cheak'ama b'i awu' chu'anik ch'oj chkij aj Amalec. Chweq, yin kink'iji ni puwi i jyub', kwok'aj uch'amiy i Dios pin-ab' —xcha.

AMÓS 2:2

Rumali kinkoj ni a' che i ulew Moab, i a' le kusachsaj ni kiwach i nimaq taq ja ke ajawinelab' re Queriot; are kesik'in pa ch'oj xaq ru' taq uch'awb'al i trompeta, i aj Moab kekam na.

AMÓS 1:14

Rumali kinnak' ni a' che i tapial re i Rabá, i ru' i a' le kinsachsaj ni uwach i nimaq taq ja ke ajawinelab', che i ij re i ch'oj le lik kesik'inik, xaq ru' jun nim laj uch'awb'al jab' tew upam.

JEREMÍAS 51:14

I Ajwal chi ronojel ktiki che lik usaqim puk'aslemal: “¡Chi lik kinya ni k'iyal taq ajch'oj chawij, pacha ral taq sak', ike le lik kkib'ixaj ni i ch'akanik chawij yet!”

Salmos 47:1

¡Tinimit iwonojel, chipok'pa i ab'! ¡Chib'ixaj i Ajwal ru' i sik' re i kikotemal!

Job 39:25

Are kch'aw i trompeta, ire lik ru' nim laj roywal kula' uwach; lik k'a naj o wi, xwiri lik kusiq ruxlab' i ch'oj, kuta i taqanik re ujeqik i ch'oj xaq uk'iyal sik' ke ajch'oj.

1 Samuel 17:52

Are uri konojel achiyab' aj Israel xaq i achiyab' aj Judá kesik'inik xekiterb'ej b'ik k'a pa okb'al re i tinimit Gat, xaq k'a pa okb'al re i tinimit Ecrón. Che ronojel i b'e chi kel b'i pa tinimit Saaraim kupon k'a pa tinimit Gat xaq i Ecrón, lik je jab'ernaq chik kich'akul achiyab' aj Filistea chi je yij che i ch'oj.

1 Samuel 17:20

Chukab' ij a David we' tan xwalij b'ik, xeuya kan i chij chi chajixik ru' jun chik, ire xuk'am b'i wach taq kkitij i ratz chi xuya b'i ma Isaí che. Are xupon chila ipa je o wi i ratz, i achiyab' chi je yij che i ch'oj ketijin chuyijb'axik kib' man ke'e chu'anik ch'oj, lik kesik'in konojel.

Jueces 15:14

Are xeupon chila pa tinimit Lehi, are uri aj Filistea kesik'in rumal kikikotemal. Xwiri i utewal i Dios xuya ucho'ab' a Sansón, are uri xuraqij b'i i laso chi yut'b'em uteleb' xaq u'ab', i laso le pacha taq xa el laj taq chij.

JOSUÉ 6:20

Are uri i je ajsujul sipon ko xkixut'ij i rok'a' chij chi antal trompet che, are xkita i aj Israel xaq ike ko xesik'inik pacha b'ital chke rumal ma Josué, are uri xwulij li tapial nim uwach re itinimit. I aj Israel juntir xe'ok b'i pa tinimit i xki'an ke che.

JOSUÉ 6:16

Are je o che uwuq b'inik, i ajsujul sipon ko xkixut'ij i rok'a' chij lik x-e uqul xki'an che, are uri ma Josué xub'ij chke i winaq: ¡Chixsik'inoq! Man i Ajwal ujachom chik i tinimit pi'ab'.

JOSUÉ 6:10

Xwiri ma Josué xub'ij iri chke i achiyab' chi je yij che i ch'oj: Yix mixsik'inik xaq to' mixch'awik, k'a kinb'ij ni chiwe are kixsik'inik.

JOSUÉ 6:5

Yix are kita chi rok'a' chij lik chom xaq junwi ch'awik k-ono, xaq keje uri yix ko chixsik'inoq; are uri i tapial chi sutinnaq chrij i tinimit kwulij na loq. Te'uri suk'ulik chixok b'i yix chu'anik ch'oj chrij i tinimit.”

ÉXODO 32:18

Xwiri ma Moisés xub'ij che: —I sik' le kinta yin are ti jun sik' re kikotemal xaq are ti sik' re tikilem che jun ch'oj, mitene are taq jun sik' chi xkijam kib' che jun ch'oj, kinta yin lik xa keb'ixanik.

ÉXODO 32:6

Chukab' ij we' xewalijik, xkisujuj umuyal uk'ok'al xaq xkiya kisipon re chomb'al ib'. Te'uri xekub'i konojel i winaq chutijawik kiwa xaq chutu'ik kiya', are xkelej wa'im xexajawik xaq lik xekikotik.

ÉXODO 32:16

I perpaq ab'aj le lik are i Dios anawnaq xaq i tz'ib' chi o chwach lik are i Dios tz'ib'awnaq.