ÉXODO 30:13 - Wuj Pa K'ubultzij

¹³ Chkijujunal ni'pa ke'ajlaxik, rajwaxik chi kkiya nik'aj ons saqpwaq chinwach Yin, chi in Ajwal, chrij pacha i pajb'al re i ja re molb'al ib'.

ÉXODO 30:13 Referans Kwoze

LEVÍTICO 27:25

Ronojel ni'pa i rajil chi ktojik rajwaxik chrij pacha i pajb'al chi o pa lo'laj k'ijib'al re i Dios, chi julajuj gramo o che jun saqpwaq.

NÚMEROS 3:47

Chatz'onoj jun qasan chke, chi are jo'ob' pwaq mer saq-o'oj chkijujunal, ronojel ni'pa i rajil chi ktojik, rajwaxik chrij pacha i pajb'al chi o pa lo'laj k'ijib'al re i Dios, chi are i saq-o'oj chi nik'aj onz o che ralil.

Ezequiel 45:12

Xaq keje ni'pa taq pajb'al re alil: Juwinaq jera, ke'eloq jun siclo chi o julajuj gramo che; oxwinaq (60) siclo ke'eloq jun mina.

Mateo 17:24

I Jesús ku' utijoxelab', are xeupon pa tinimit Capernaum, o jujun ajtz'onol alkawal xeupon ru' i ma Pedro. Ketijin chutz'onoxik alkawal re i rachoch i Dios. Xkib'ij che i ma Pedro: —Itijonel yix ¿Xatab'a kutoj ti alkawal re i rachoch i Dios? —Xecha.

ÉXODO 38:26

Konojel ni'pa o chik juwinaq junab' (20) chke je lajuj wuqlajujwinaq wajxaqmo' jo'lajujchiy oxt'ub' (603,550) xaq konojel xkiya jo'ob' saq-o'oj chrij pacha i pajb'al re i lo'laj k'ijib'al re i Dios.

Mateo 27:24

Xril i ma Pilato chi nti uchak kutz'onoj mas tzij chke. Ike to' ch'oqowik kki'ano. Rumali ire xresaj rib' chupam; xutaq uk'amik jun k'ox ya, xaq xuch'aj u'ab' chkiwach. Xub'ij chke: —Inmak ti yin we kikamsaj i achi ri chi nti umak. Chiwach yix o wi wach ki'an che —xcha chke.

Mateo 21:12

Te'uri i Jesús xok prachoch i Dios; are uri xeresaj b'i konojel i ajk'ayinel xaq i ajlo'onel chi je o xe ja. Xeub'alk'atij b'i kimexa i je ajjalwachil uwach kipwaq i winaq, xaq keje i kitem i je ajk'ay palomax.

GÉNESIS 23:15

—Nim laj winaq: I ulew le rajil jumo' (400) saqpwaq, xwiri ¿Wach taq u'ij i mer le chqaxol awu'? Jat, chamuqu akamnaq chila, mojlapan chik chrij i rajil le —xcha.

ÉXODO 30:14

Xwiri, xwi je nimaq chik chi je ik'awnaq chik che i juwinaq junab' rajwaxik chi kkiya kisipon chwe.

ÉXODO 38:24

I uk'iyal i an-o'oj chi xya'ik re i sipon chi xkikoj che i lo'laj k'ijib'al re i Dios, xmoltaj juwinaq (20) tintal. Chrij pacha i pajb'al re i lo'laj k'ijib'al re i Dios.

LEVÍTICO 5:15

We jun winaq xmaktaj che jun b'iroxik re i Ajwal tupu chu'anik taj xu'ano, lik xmakun uri. Rajwaxik uri chi kuk'am b'i jun chij ma chi lik klis taj re riqb'al kuyb'al umak xaq rajwaxik chi kch'ob'ik ni'pa rajil che saq-o'oj i chij le chrij pacha rajil chi kb'ix chila pa lo'laj k'ijib'al re Dios, ile are jun sipon re riqb'al kuyb'al umak.

LEVÍTICO 27:3

keje u'anik iri k-an che: Jun achi we o juwinaq (20) junab' che kupon k'a che oxwinaq (60) junab' ktoj ni uri lajuj kawinaq (50) saqpwaq, chrij pacha i pajb'al chi o pa lo'laj k'ijib'al re i Dios.

NÚMEROS 7:67

Xaq i usipon chi xusujuj lik keje pacha i xkisujuj i jub'an.

NÚMEROS 7:86

Xaq o kab'lajuj nimaq taq lochb'al an-o'oj nojnaq che pom chi o kajib' ons che ralil i jujun, chrij pacha i pajb'al re i lo'laj k'ijib'al re i Dios. I ralil ronojel i nimaq taq lochb'al chi an-o'oj, o oxib' pexu che.

2 Reyes 12:4

Xuk'ulmaj jun ij, a Joás xub'ij chke ajsujul sipon i Dios: Chimolo yix uchi' ronojel i mer chi kkik'am li winaq prachoch i Ajwal, i mer tojb'al re kik'aslemal i winaq chrij pacha b'italik, xaq ronojel i mer chi kel pkik'ux i winaq uya'ik prachoch i Ajwal. Ru' i mer le chiyijb'a ronojel ni'pa i kraj uyijb'axik che i rachoch i Ajwal.

NÚMEROS 18:16

I tojb'al re i elsab'al b'i ke le, jo'ob' saqpwaq kkitoj na are o chik jun ik' che kalaxik, i rajil chrij pacha i ralil i mer chi re i lo'laj k'ijib'al, chi nik'aj onz o che.