ÉXODO 3:22 - Wuj Pa K'ubultzij

²² Rumali konojel ixoqib' je aj Israel kkitz'onoj ni chke i kach ixoqib' chi je o chkinaqaj chi je aj Egipto, xaq chke ixoqib' chi je ajposar ku' ru' ja, ronojel ni'pa i b'iroxik an-o'oj, saq-o'oj xaq i k'ul re ki'u' i kak'al. Keje uri umajik b'i ub'itaq ke aj Egipto ile ki'ano.

ÉXODO 3:22 Referans Kwoze

Ezequiel 39:10

Nti chik uchak ke'e chutzukuxik kisi' pa taq es, xaq kkik'atzij ti chik pa taq k'achelaj, man ronojel taq kich'ojb'al le kajwax ni chke re si'. Keje ile ike kkesaj na li ub'itaq ke i jub'an chi xkesaj li ub'itaq ke ike nab'e, xaq kekesaj nu b'i jub'an chi xekesaj b'i ike nab'e. Yin in Ajwal, xinb'ij.

Salmos 105:37

Te'uri i Dios xresaj li utinimit Israel ru' uk'iyal taq an-o'oj xaq ru' uk'iyal taq saq-o'oj, xaq mijun chke kitzob'ajil xutakij taq raqan.

ÉXODO 11:2

Wo'or chab'ij chke konojel aj Israel, che achiyab' xaq che ixoqib', chi chkitz'onoj b'i jalajuj taq b'iroxik an-o'oj xaq i saq-o'oj chke i kilok'anij chi je jeqel chkinaqaj.

ISAÍAS 33:1

¡To' awach yet, at sachsanel chi sachsam ti awach, yet at k'ayinel amiy che i ajch'oj chrij xwiri yet at k'aytal taj! Are kak'is usachik uwach jun b'iroxik are uri ksachsax ni awach, are kak'is uk'ayixik jun amiy che ajch'oj chrij are uri katk'ayix yet che jun ajch'oj chawij.

Proverbios 13:22

Jun utz laj winaq kuya kan kuxtab'al re chke i ri umam; xwiri kib'eyomal ajmakib' kya' ni chke i je utz laj taq winaq.

GÉNESIS 15:14

Xwiri Yin kin-at ni tzij puwi i nim laj tinimit chi ku'an chke kechakunik; te'uri i amuq axikin le, ke'el na li chila ru' nimaq taq b'eyomal.

GÉNESIS 24:53

Are uri xresaj li chomiq taq sipon chi lik an-o'oj, xaq i saq-o'oj re jalajuj taq wiqb'al rib' jun ixoq, xaq i k'iyal taq molaj k'ul, xuya che al Rebeca; xaq o i sipon xuya che uxib'al, xaq che uchuch.