ÉXODO 29:38 - Wuj Pa K'ubultzij38 Arewi, ij ij kakab' chij mama'ib' chi o jun junab' chke kasujuj ni puwi i sujb'al sipon. Gade chapit la |
Ike ksaqirik xaq kqaj ij kkikamsaj chikop chwach i Dios xaq kkiporoj pom, kkiya puwi jun mexa chi yijb'am kojb'al re u'ij i Dios xaq kkiya i wa re trigo puwi i mexa le chi sujum chwach i Dios, xaq ronojel uqajb'al taq ij kkitzij i wuqub' u'ab' i tzuk'b'al chi kjuluw puwi i tzuk'b'al re an-o'oj. Man yoj kqa'an ronojel ni'pa kraj i Ajwal chi qa-Dios, xwiri yix iwo'tam kanoq.
Chata pe', yin kinyak jun rachoch i Wajwal Dios, jachb'al re pu'ab' Ire, porb'al re i kunb'al muy chwach Ire, tusb'al re i jalajuj taq cholaj wa re trigo chwach Ire, sujb'al re i porom sipon pa taq usaqirb'al xaq pa taq uqajb'al ij, che taq i ij sábado xaq pa taq nima'ij re i k'ak' ik', xaq che i jub'an chik nima'ij re kojb'al u'ij i Qajwal Dios chi lik arewi k-an pa tinimit Israel.
Che chik jun seman puwi ile, ire ku'an jun trat ku' uk'iyal winaq, xwiri pa nik'aj che i seman kusach ni kiwach i sipon porom xaq i jub'an chik sipon. Xaq usujuxik jun ch'am ti laj sipon che i k'ijib'al chi ipa ksujux wi i sipon re kojb'al u'ij i Dios, i sachb'al chi ch'ikom rij, k'a ktzaq ni puwi i xjeqaw u'anik i ch'am taji.
Ire keje taj pacha jub'an atz laj taq rajpatan i Dios, kkikamsaj i chikop ij ij, kkisujuj chwach i Dios. Tojb'al re i kimak ike; te'uri rumal i kimak konojel i winaq re i tinimit. Xwiri i Jesús nti uchak ku'ano keje ile. Ire lik xa julaj xusujuj rib' che i kamik, tojb'al re kimak i winaq k-e ij saq.
I sipon le ksujux che taq i ij chrij pacha kub'ij u'atb'al tzij ma Moisés, ke'eloq chi are i ij sábado, nima'ij re ik' are muqulik xaq i oxib' nima'ij re i junab' chi are iri: I nima'ij re tijb'al i wa re trigo chi nti kunb'al ru', i nima'ij re i jalajuj taq seman xaq i nima'ij ke mujb'al re es chi wuqub' ij kuch'ijo.