ÉXODO 29:30 - Wuj Pa K'ubultzij

³⁰ I ajsujul sipon chi je umuq uxikin ma Aarón, are kraj kok pa ja re i riqb'al ib' wu' chu'anik upatan, rajwaxik uri chi wuqub' ij kukoj i k'ul le chrij.

ÉXODO 29:30 Referans Kwoze

NÚMEROS 20:28

Are xeupon puwi i jyub' le ma Moisés xresaj u'u' ma Aarón che, chi re ajsujul sipon, xukoj che ma Eleazar. Are xutzin relsaxik u'u' ma Aarón le, are uri xkamik. Chrijil chik ile, i ma Moisés xaq ma Eleazar junam xeqaj li chwi jyub'.

Hebreos 7:26

Xel uri, chi Jesucristo are i atz laj rajpatan i Dios chi lik rajwaxik te'eq chqe. Ire lik utz, lik ch'am, nti mak atzalal chrij. Ire elsam chkixol i winaq chi je ajmakib', x-an che chi mas nim u'ij chwach i kaj.

Ezequiel 43:26

Ij ij, che wuqub' ij, i ajsujul sipon o uchak kki'an ch'am che ronojel i sujb'al sipon, man keje ile kchapb'ex na re i sujunik chi o u'ij.

LEVÍTICO 13:5

Wuqub' ij kusolij chik i ch'ak, we to' jeqelik, we enaq tu b'i uchi' che uch'akul k'a, kutz'apij chik wuqub' ij uri.

LEVÍTICO 9:8

Are uri ma Aarón xtejeb' pan chwach i sujb'al sipon xuwor puqul i me', chi are i sipon re riqb'al kuyb'al umak ire.

LEVÍTICO 9:1

Che uwajxaq ij ma Moisés xeusik'ij ma Aarón, i uk'ojol xaq i kinimaqil i aj Israel.

ÉXODO 29:35

Cha'ana che ma Aarón xaq chke i rak'al ronojel ni'pa xatintaq che. Wuqub' ij ka'an chujachik i atb'al tzij pki'ab'.

ÉXODO 12:15

Wuqub' ij kitij i wa re trigo chi nti kunb'al ru'. Rumali kiwesaj i kunb'al re kuwalijsaj i kaxlanwa chi taq iwachoch are kjeqan i nab'e ij, man xapachin kutij i wa re trigo chi o kunb'al ru', xa pachike ij che i wuqub' ij le, saq laj tzij kelsax ni uri chkixol aj Israel.

GÉNESIS 8:12

K'a xroy-ej chik wuqub' ij, are uri xuroxmulij chub'i ro'taxik i palomax, xwiri che i uroxmul le i palomax xtzalij ti chaloq.

GÉNESIS 8:10

Ma Noé xroy-ej chik wuqub' ij, are uri xukamulij chub'i ro'taxik i palomax chisaq.

ÉXODO 29:29

I k'ul re ma Aarón chi o u'ij kkanaj ni kan pki'ab' umuq uxikin, are kya' i patan pki'ab' chi ajsujul sipon.

ÉXODO 29:31

Te'uri kik'am ni i uti'lal i chij ma chi xsujux chinwach, kicha'saj chila pa lo'laj k'ijib'al chi o u'ij.

LEVÍTICO 16:32

I ajsujul sipon chi chatal chu'anik i patan prachoch i Dios, chi xaq are ire ch'iktal rij chu'anik uk'exel uqajaw, are ni ire le ksujuw i sipon chi re riqb'al kuyb'al mak, xaq kukoj b'i u'u' lino chi jachtal pu'ab' i Dios.