17 Ronojel i aqan chi kakoj chrij chwach i uwaja, rajwaxik chi lik saq-o'oj i retz'b'alil; xaq i ko'kaq ch'ich' rajwaxik chi lik saq-o'oj xaq i ukub'ib'al rajwaxik chi lik anch'ich'.
I okb'al re uwaja kakoj jun kortin che, jo'ob' xik'ab' raqan, rajwaxik chi xar, kaq, kaqkoj xaq i chom laj lino koksax che; i kortin le kt'is rumal jun chi lik uchak ile man lik utz u'anik ku'an che. Kakoj kajib' aqan che, xaq kakoj kajib' che ukub'ib'al.
I uwaja jo'ob' juwinaq (25) xik'ab' raqan kaya che, kab'lajuj xik'ab' ru' nik'aj uwach k'ulala, jun xik'ab' ru' kajib' ripaj ab'aj unajtil rij. Ronojel i kortin chi kakoj che rajwaxik chi lik chom laj lino, xaq ronojel i ukub'ib'al rajwaxik chi lik anch'ich'.
Ru' i saq-o'oj le chi xmoltaj ku' i winaq pa komon i ma Bezaleel xu'an i ko'kaq ch'ich' re i aqan, xkikoj chrij i paqb'al et xaq are xkikoj che i sotsaq ch'ich'.
ronojel ile xoksax pukub'ib'al i okb'al b'ik che i ja re riqb'al ib' ru' i Dios, xaq are xki'anb'ej i sujb'al sipon re i porb'al, junam ru' k'ark'ar ch'ich' xaq ni'pa i kajwax che;