ÉXODO 26:34 - Wuj Pa K'ubultzij

³⁴ Kakoj i ch'uqb'al uwi i kaxa re utrat i Ajwal chila che i lik Lo'laj K'ijib'al re i Dios.

ÉXODO 26:34 Referans Kwoze

ÉXODO 40:20

Te'uri xuk'am i tz'alam ab'aj chi o utzij upixab' i Dios chwach, xuya chupam i kaxa re utrat i Ajwal, te'uri xumin i b'alul che' che chi k'amb'al b'i re xaipa, are uri xukoj ch'uqb'al uwi, i xukoj b'i kaxa le k'a chupam i ja re riqb'al ib' ru' i Dios xaq xutzayb'a i kortin ch'uqb'al re i kaxa. Keje ile xu'an che chrij pacha xb'ix che rumal i Ajwal.

ÉXODO 25:21

Chakojo i ch'uqb'al uwi i kaxa, xaq chupam i kaxa le, kaya wi intzij inpixab' chi kinya ni chawe.

Hebreos 9:5

Puwi i kaxa, o keb' kik'exwach “Querubin”; kb'ix chke, k'utb'al re chke i winaq chi i Dios o chila ku'. I kixik' ike klik'om puwi i kaxa. Xwiri nti uchak kinb'ij mas puwi ile wo'or.

LEVÍTICO 16:2

I Ajwal xub'ij che ma Moisés: Chab'ij che awatz ma Aarón chi to' ti kok b'i pa lo'laj k'ijib'al re i Dios, xaq to' ti ktejeb' pan chwach i ch'uqb'al uwi i kaxa chi o pan chrij i kortin; man keje ile kkam taj, man Yin kink'ut ni wib' chupam i jutzob'aj sutz' puwi i ch'uqb'al uwi i kaxa.

1 Reyes 6:16

Xaq xukoj tz'alam chakalte' che jun k'ijib'al chi o li k'a chupam i rachoch i Dios chi jo'ob' xik'ab' o che upam, xukoj li puwi, xeuk'isa k'a chuxe', i k'ijib'al le xu'an che chi are i lik Lo'laj k'ijib'al re i Dios.

Ezequiel 41:4

Te'uri xupaj i upam ja nim chi o k'a chupam loq, i o waqib' xik'ab' ru' nik'aj chkijujunal utzal. Are uri xub'ij chwe: “Iri lik are i lo'laj k'ijib'al re i Dios.”