ÉXODO 21:32 - Wuj Pa K'ubultzij

³² I toro we xuto' jun chke awinaq chi je o pa'ab', achi xaq we ixoq, i rajaw i toro le kutoj ni lajuj juwinaq (30) saqpwaq che i rajaw i winaq chi o pa k'ax, xaq i toro kkamsax ni uri ru' ab'aj.

ÉXODO 21:32 Referans Kwoze

Mateo 26:15

Xub'ij chke: —¿Ni'pa kiya chwe we kinjach i Jesús pi'ab'? —Xcha chke. Ike xkiya lajuj juwinaq (30) saqpwaq che.

Filipenses 2:7

Are i xu'an ire, xuya kan u'ij xaq xu'an che rib' pacha winaq; lik xu'an pacha mokom che rib'.

GÉNESIS 37:28

Are xeik'aw i ajyakol k'ayij chi je aj Madián are uri xkesaj li a José chupam i k'otom xkik'ayij b'i chke, juwinaq saqpwaq xkiya wi b'ik. Keje uk'amik b'i a José ile chila pa Egipto.

ÉXODO 21:31

Xaq are i atb'al tzij ile k-ani che jun toro chi kuto' jun ala xaq we jun ali.

ÉXODO 21:33

We o jun kuwor jun k'otom, xaq we to' jun nim laj jul i we xutz'apij ti uwi, i we xtzaq jun b'oyex chupam xaq we jun axna,

JEREMÍAS 32:9

xinlo' i ulew che ma Hanameel chi uk'ojol i wikan, xeinsik'ij jub'an ajsaqinel tzij, lik chkiwach ike xintoj wuqlajuj saqpwaq, xaq xin-an i juch' chwach i wuj re ulew le, xaq keje xki'an ike lik xki'an i kijuch' chwach i wuj le.